ياسمين عز للسيدات: "متلبسيش باروكة ..الحاجة الوحيدة اللي تحطيها فوق رأسك هي جوزك"
استنكرت الإعلامية ياسمين عز، هجوم الجمهور عليها بعد حديثها عن بروتين الشعر وتحذير الزوجات من فعله بفلوس الزوج، قائلة: " كنت بتكلم عن بروتين الشعر وبنصحك وبقول أنه مضر ليكي ولجيب جوزك..متابعة:" تطلع واحدة تسيب الموضوع وتمسك في شعري أنا".
نصيحة ياسمين عز للسيدات
وقالت عز: ماتحطيش على رأسك باروكة.. الحاجة الوحيدة اللي تحطيها فوق رأسك هي جوزك الفرعون الكبير خلي جوزك تاجك أحسن من مليون باروكة.
وتابعت: قصة شعري اسمها قصة الأسد وعمري ما لبست باروكة.
وأضافت: بتدعي على جوزك ليه؟ دا بركة البيت لو مشي هتحل اللعنة.. بتخوفه يعني وتبث الرعب في قلبه، لا يمكن ترعبي الراجل واحنا عايشين على وش الأرض.. اوعى تخاف احنا جمبك سيبها تدعي من هنا لبعد العشاء، لو قالتلك منك لله قولها كلنا مننا لله وإذا قالتلك روح يا شيخ قولها رايح وراجع بسرعة.
واستطردت: الشعر عند البنات نوعين وهم البلحي اللي هو المكسر الهايش والخيلي اللي هو السايح. لكن عند الراجل نوع واحد بس وهو خيطان حرير وسلوك ذهب أسود
وضعت الإعلامية ياسمين عز مجموعة قواعد للتعامل مع الزوج وتفخيمه، من بينهم عدم نداء زوجها بدون ألقاب، وذلك خلال برنامجها “كلام الناس”، المذاع على قناة mbc مصر.
وعلقت رحاب الجمل على نصائح الإعلامية ياسمين عز للسيدات حول عدم مناداة الزوج باسمه والقول له أستاذ، قائلة: "لما أنا أقول لجوزي يا أستاذ في البيت..يروح بقى الشغل فـ السكرتيرة تقوله يا بيبي؟"، لترد عليها الأخيرة:" لا السكرتيرة تقوله يا بيه".
واسترسلت: لما اقول لجوزي سي الأستاذ بيبي دا ممكن يطفش ويهرب"، متابعة: انا بسمع نصايحك كلها وبعمل بيها مع جوزي.. وأي مشكلة في حياتي هجيبك".
ووجهت ياسمين، سؤالًا للسيدات حيث قالت: "ليه بتنادي على جوزك بدون ألقاب؟ يعني فين درس تفخيم الزوج اللي درسناه كلنا زمان فين؟ ليه نسينا الدرس ده؟ ليه نسينا الموضوع ده؟ فكروني نعمل حلقة بعنوان تفخيم الزوج.. نسيتيه أفكرك".
وأضافت: “ليه بتنادي على جوزك كده يا محمد حاف مثلًا؟ قولي لجوزك يا أستاذ محمد.. يا أستاذ محمد تحب تشرب إيه؟
وتابعت: "هتبقى ليلتها مش فايتة وهترجعي تقولي بيخوني مع واحدة اسمها سما وهو مش قصده ما انتي بتقولي له محماااا وهو بيقولك سماااا.. انتي شيلتي الدال وهو شال الحاء.. يبقى انتي كمان ما تقوليش محماااا قولي أستاذ محمد.. هتنادي عليه إزاي كالآتي يا.. نطلع بياء النداء.. أستاذ.. للتفخيم.. محمد.. للتنعيم الشديد.. تاني هتقولي الجملة إزاي لما تنادي عليه عشان جوزك يحبك وحياتك تبقى سعيدة.. يا.. أداة نداء تطلعي بيها.. وتعلي بأستاذ.. أستاذ.. للتفخيم بين قوسين.. محمد.. للتنعيم".
واستكملت: "ممكن حد يسألني سؤال دلوقتي طب ليه بنقول يا.. ليه ما نقولش أيها الاتنين أدوات نداء خلي بالك.. لإن يا.. للقريب الحبيب.. أيها للبعيد الغريب نراجع نحو ما ترجعوش ورايا أنا عارفة بقول إيه.. فنقول يا لجوزك حبيبك القريب الحبيب.. أستاذ معروفة لقب للتفخيم.. محمد اسم علم تنعيم شتوي هادي".
