فيفي عبده لـ ياسمين عز: انتي بتحبي الرجالة.. خليني ابقي نحنوحة زيك
علقت الفنانة فيفي عبده على آراء الإعلامية ياسمين عز التي توجه فيها رسائل للسيدات للحفاظ على أزواجهن، قائلة: "إنتي بتحبي الرجالة وكل الستات ضد الموضوع ده، إيه الحكاية يا ياسمين؟".
ووجهت الفنانة فيفي عبده ، سؤالا للإعلامية ياسمين عز، قائلة:" عايزة أعرف أنتي بتحبي الرجالة وبتشكري فيهم ليه"، لتبادرها ياسمين عز:" كل اللي قولته إن الست تقول لجوزها حاضر ولو متعصب تسكت لحد ما يبقى أهدى".
وأضافت فيفي عبده: وقالت فيفي عبده: "أنا شخصيتي قوية، لكن أنا طول عمري بقول الراجل سي السيد، هو لما يبقى شرّابة خرج هيملى عينيا، لازم يكون سي السيد في البيت وبره البيت".
وأكملت:"مدخلش حد في حياتي أنا وهو وبس، مش بقى الميديا كلها معاكي، شوفي نسبة الطلاق بقت كام دلوقتي".
وسألت ياسمين عز فيفي عبده عن رأيها في التصريحات التي تعرضت بسببها لهجوم قائلة: أنا قلت في مرة أن الزوج نعمة ربنا في الأرض وأحلى حاجة في الدنيا، إيه رأيك؟
وقالت فيفي عبده: لأ طبعًا ده أنتي نحنوحة أوي يا ياسمين في حاجات حلوة كتير والستات والأولاد حلوة والصحبة حلوة، وبرضه الست ماتقدرش تستغنى عن الراجل، ولازم الست تخلي للراجل الحياة حلوة علشان ما يستغناش عنها.
كما سألت ياسمين عز فيفي عبده عن رأيها في تصريحها بشأن السماح للحماة بأخذ مفتاح شقة ابنها، قائلة: كنت بقول إيه المشكلة لما الزوج يدي أمه المفتاح علشان تطمن على مراته لو حامل ولو مسافرين تملى لهم التلاجة أكل، لكن الزوجة بترفض وتقول له يا أنا يا أمك.
بدروها قالت فيفي عبده: ليه افرضي لا قدر الله حد حصل له حاجة، دي مفيهاش حاجة طالما عايشة بنية كويسة ومحافظة على بيتها، الحماة بتاخد انطباع حلو عن مرات ابنها، ولو كل بنت رضت حماتها بتاخد ثواب زي الأم، وأنا أي زوج اتجوزت أمه كانت تاج على راسي زي أمي بظبط.
فيفي عبده تكشف سر وصفة "السبع موجات"
وكشفت فيفي عبده عن سر وصفة السبع موجات، قائلة: متعودة أروح البحر وأقرأ قرآن، متابعة:" بنزل سبع موجات في المياه وأنا بقرأ قرآن".
وتابعت فيفي عبده:" بحس اني بغسل همومي في حركة السبع موجات"
و تابعت :"بتفائل بالحركة دي، لأن دعائي استجاب في البحر وحياتي كلها اتشقلبت بعد الحركة دي".
