فيفي عبده: بنزل سبع موجات في المياه وأنا بقرأ قرآن ودعائي استجاب
كشفت الفنانة فيفي عبده، عن عدد من أسرار حياتها الشخصية والفنية وتفاصيل قيامها بالسبع موجات وسر استجابة دعائها في البحر، مؤكدة أن حياتها العملية تغيرت بعد دعائها في وسط البحر ، مع الإعلامية ياسمين عز عبر برنامج "كلام الناس".
وكشفت فيفي عبده عن سر وصفة السبع موجات، قائلة: متعودة أروح البحر وأقرأ قرآن، متابعة:" بنزل سبع موجات في المياه وأنا بقرأ قرآن".
وتابعت فيفي عبده:" بحس اني بغسل همومي في حركة السبع موجات"
و تابعت :"بتفائل بالحركة دي، لأن دعائي استجاب في البحر وحياتي كلها اتشقلبت بعد الحركة دي".
وأكملت فيفي عبده:"في الفترة مكنتش بشتغل وسوق العمل واقف، ومكنش فيه شغل ليا، وبعد ما دعيت ربنا تفاجئت بمسلسل "كيد النسا"، مع سمية الخشاب".
وأضافت فيفي عبده، أنها منذ تجسديها شخصية كيداهم في مسسلسل كيد النسا، وحياتها العملية تغيرت للأحسن، قائلة: المنتج قال لي سمية الخشاب معايا، وعملنا كيداهم وافتحت الدنيا ما شاء الله كان مسلسلي نمرة واحد، وبعدين عملت مولد وصاحبه غايب مع هيفاء، ومسلسل كيداهم كل كلامي في المسلسل تأليفي عملت شخصيتي الطبيعية، لأن أنا تركيبتي وشخصيتي كده.
فيفي عبده برنامج المقالب
كما علقت الفنانة فيفي عبده، على ظهورها في برنامج المقالب الخاص بالفنان رامز جلال، وانتقادات الجمهور التي طالتها بعد ظهورها بدون مكياج، قائلة: لما طلعت مع رامز جلال ولبسني الطاسة، طلعت الطاسة بحواجبي قالوا ده عبده فين فيفي وبقيت أطلع للناس من غير حواجب، قلت لهم أنتم بتذلوني أني ما عنديش حواجب طيب هشيلها خالص.
أما عن سبب عدم وضع وشم على جسدها، فقالت: مش بعمل تاتو جسمي علشان مش بيستحمل خالص، وعاوزة اعمل مايكرو بيلدنج بس خايفة.
فيفي عبده بحب رونالدو
أبدت الفنانة فيفي عبده إعجابها بشخصية نجم منتخب البرتغال كريستيانو رونالدو ولكنها انتقدت تعامله مع والدة ابنائه جورجينا.
وقالت فيفي عبده خلال حلولها ضيفة على برنامج "كلام الناس": "بحب رونالدو وهو طيب أووي بس زعلانة منه عشان مش عاوز يتجوز جورجينا أم العيال"
ووجهت فيفي عبده رسالة رونالدو قائلة: "ليه مش عاوز تجوزها يا كريستيانو ودا اللي مدايقني منك جدا وهو راجل زي القمر لكن مينفعش تسيب ولادك كدا اوبن بوفيه".
وعن جورجينا قالت فيفي عبده: "بتعرف تقدم لرونالدو الحنان بطريقتها وهى ست شاطرة وزى ما بيقول المثل الشاطرة تغزل برجل حصان".
