مسلسل ورا مصنع الكراسي.. "الحلقة الاولى" العائدون من الموت

ورا مصنع الكراسي.. جملة هانقف عندها كتييييير 
كل واحد فينا هايخده خياله لبعيد.. بس ياتري هايوصله لحد فين.. مش عارفين.. لكن الأكيد أن ورا مصنع الكراسي مليان حواديت وقصص كتيييير مختلفة.. ياترى كام واحد فينا عنده الشجاعة يروح ورا مصنع كراسي، وياترى هايلاقي ايه وهيرجع من هناك زي ماهو ولا حد تاني.. طيب ماتيجوا نروح ونشوف مستنينا ايه.. ورا مصنع الكراسي ..

 العائدون من الموت

ياترى هو فيه حد بيرجع من الموت !!!  ياترى هما فعلا ماتوا !!!! طيب ورجعوا ازاي ؟؟؟؟ وشافوا ايه ؟؟؟؟ وهايحكولنا ايه !!!!  مليون علامة تعجب واستفهام والعقل رافض يستوعب انها حقيقة وحصلت والف تعجب وتعجب هو اللي بيموت بيرجع !!!!

 
ايوه في ناس كتيييير راحت ورجعت ومعاها حواديت بره حدود المنطق والاستيعاب.. حقيقة مش هانقدر ننكرها أو نهرب منها ..
 

استنى ياترى انت مش واحد منهم ؟؟؟؟، طب مايمكن بحكيلك حكايتي او انا منهم !!!!!
 

البداية اسلاك وأجهزة وعلامات نازلة طالعة وفجأة صفارة طويلة بتقولك: خلاص ايوه خلاص انت منهم.. قلبك ودعك.. وقف.. وبطل دق ..

يمكن دقايق او يمكن قرب الساعة انت ونصيبك..
 

كل محاولات رجوعك خلصت وعلامات الحزن ارتسمت على وشوشهم، وشالوا هم مين يبلغ اهلك وتبقى دي اخر لحظات مابينكم ونظرتهم الاخيره ليك..

وانت تصرخ وتقولهم انا هنا ماتسبونيش استنوا.. كأن ولا حد سمعك ..

مازن قلبه وقف في العملية فضلوا ٢٠ دقيقة يحاولوا لكن مفيش فايدة.. صاحبهم الدكتور اللي اخوه  اتخطف ولحد النهاردة مش عارفين فين ولاحد وصله فص ملح وداب.. مهمة تقيلة وصعبة.. مين هايبلغ أمه.. ووسط ده كله نسيوا يفصلوا الاجهزة وخرجوا.

فجأة.. دقات منتظمة والجهاز موجاته اتحولت من خط مستقيم لموجة طالعة نازلة.. مازن رجع.. حالة ذهول واستغراب ودهشة.. واسئلة كتييييرة بس من غير اجابة.. مستغربين ؟؟؟، لا استنوا الأغرب لسه جاي ..
 

مازن حكى لهم كل اللي حصل لحد مكالمة مامته، وده وهو المفروض ميت !!!! والأهم أنه رجع ومعاه اخوه فين بالتفصيل.. وكأنه كان عنده.. مستغربين.. مش مصدقين.. بصراحة ليكم حق.. بس ليه لا.. هو من أمتى ورا مصنع الكراسي ليه منطق أو عقل..
 

ياترى انت منهم.. راجع من هناك.. طيب ياترى لقيت ايه.. واتغيرت ولا زي ما انت.. وقابلت مين.. وبقيت منهم.. العائدون من الموت !!!!