وليد يوسف عقب تصوير "يوم من الأيام": "أخيرًا حلمي هيشوف النور"
أعرب السيناريست وليد يوسف، عن سعادته ببدأ تصوير أول مشاهد فيلمه الجديد "يوم من الأيام" بطولة الفنان محمود حميدة.
وعلق يوسف من خلال صفحته الرسمية على موقع التواصل الاجتماعي "فيس بوك" على صورته لحظة توقيعه عقد الفيلم قائلًا: "النهاردة يوم من الأيام اللي عشت سنين طويلة استناها، أول يوم تصوير لفيلم "يوم من الأيام" واصحابي القريبين مني يعرفوا قد ايه الفيلم دا واحد من أحلام حياتي الفنية.
وأضاف: "لدرجة إني كنت متصور إني هموت قبل ما تيجي اللحظة دي، كل حرف في الفيلم ده.. خد من عمري وتفكيري.. كان حلمي وحلم أستاذي الراحل نور الشريف يطلع للنور".
وتابع: "النهاردة هايخرج للنور بالفنان العبقري محمود حميده وإنتاج المحترم التاريخ أستاذ حسين القلا وإخراج المبدع محمد مصطفى.. لحظة توقيع العقد الشتاء الماضي.. افتكروا اسم الفيلم ده. في يوم من الأيام.. اللهم لك الحمد.. اللهم لك الحمد.. يااااارب".
