هيكل: "لو البرلمان سمع كلام الدستور البلد هتقوم تولع فيه"

قال وزير الإعلام الأسبق وعضو مجلس النواب أسامة هيكل، إن "هناك ظلمًا بين على البرلمان الحالى، رغم أنه شكًل البنيان، واللجان التابعة له، ويواجه تحديات بنص الدستور المصرى"، موضحا: "تلك التحديات تتعلق بالمادة 241، والتى تنص على ضرورة إعداد قانون للعدالة الانتقالية فى الربع الأول من الدورة البرلمانية، ولكن بقراءة نص المادة جيدًا فى وسط الكلام كده هتلاقى، إنها تكفل المصالحة وتعويض الضحايا".

فيما ردت مذيعة برنامج "كلام تانى" على قناة دريم قائلة: "المصالحة مع مين؟"، ليتابع "هيكل": "هذا سؤال لابد من طرحه، هو الدستور يكفل المصالحة مع مين، وضحايا مين اللى هنتكلم عليهم، وانا هتصالح مع مين فى الوضع الحالى"، لتجيب المذيعة: "أنت عندك طرف واحد هما جماعة الإخوان".

وأضاف رئيس لجنة الإعلام بمجلس النواب: " لو البرلمان سمع كلام الدستور، البلد هتقوم تولع فيه، ولا حد هيبص على الكلام ده، عرفتى بقى البرلمان ده مظلوم ليه".