"I know him".. فضائح وتشهير للرجال.. "لو شاكة في خطيبك أو صديقك هنا حتعرفي تاريخ حياته".. ناشطات: "الشيطان بيستغفر ربنا جنبنا".. و"الولاد" ترد بـ"شرده بشرده والبادي أظلم"
أكثر من 20 ألف أنثى اجتمعن في صفحة "I know him" على موقع التواصل الاجتماعي "فيس بوك"، فقط لأجل "تجريس" الرجال وكشف خيانتهم.
الصفحة التي لاقت رواجًا كبيرًا دشنتها مجموعة من النساء لكشف خيانة أزواجهن من خلال نشر صورته على "الصفحة"، وعليه تسرد كل من تتعرف عليه حكايتها معه.
مؤسسات "الصفحة" قلن: "لأن فكرتها تتلخص في أنك لو شاكة في خطيبك أو صديقك أو أي رجل في حياتك هنا هتعرفي تاريخ حياته، كل ما عليكِ هو نشر صورة ليه وأي بنت تعرفه هنا هتحكي لك عنه تعرف إيه بالظبط.. وربنا يقدرنا على فعل الخير".
تفاعلت ناشطات موقع التواصل الاجتماعي مع الصفحة فقالت رشا رشدي: "الشيطان بيستغفر ربنا جنبنا"، فيما قالت منة الله مصطفى: "البنات اللي مش حابة تجيب لنفسها مشكلة أو حد يعرف إنها صاحبة اللي هتنزل صورته تبعتلي الصورة وأنا هنزلها هنا".
أما منى إبراهيم فقالت: "يالا مبروك علينا الطلاق يا رجالة"، وهدير جمال: "برافو عليكو أقسم بالله إحنا أجدع من مليون محقق".
وسالي عفت: "أنتو متخيلين إن ممكن واحدة بيتها يتخرب وتطلق عشان واحد نزل صورتها سواء كان يعرفها أو كان بيتبلي عليها!! وممكن بردو زوج يطلق مراته بسبب إنها نزلت صورته وشكت فيه!! بجد يا جماعة الموضوع أكبر بكتيييير من الهزار!! وبكرة تشوفوا هيحصل إيه بسبب الجروب ده".
كطريقة للانتقام، قام الشباب بتدشين جروبًا يحمل نفس الاسم i know her وقاموا بنشر صور الفتيات اللاتى سبقوا الارتباط بهن، كما فعلن مما أدى إلى إثارة غضبهن وقاموا بعمل ريبروتات حتى تم غلق الصفحة فأنشأوا واحدة أخرى.
وقال محمد كريم أحد الأعضاء "شرده بشره والبادي أظلم" أنا صاحبها القديم وجاي أفضحها والجروب دا لكل شاب حابب يستفسر ولو شباب آخرين فى الجروب يعرفوها أو يعرفوا ماضى أليم عنها أو اللي حابب يشارك بأى حاجة للتحذير والقبول للأولاد فقط وسيتم فرز الأعضاء قبل قبول العضوية".
