"أبو حفيظة": الست سبب كل المشاكل.. والرجال "ملائكة"
قال الإعلامي أكرم حسني، المشهور بـ"سيد أبو حفيظة"، مقدم برنامج "للرجال فقط" على إذاعة "نجوم إف إم"، مساء اليوم الثلاثاء، إن "المشاكل في المجتمع تكون الست سببها، والرجالة ملائكة، وكل المصائب ورائها ست".
وأضاف "حسني" أن "أي رجل في حاجات بتضايقه من الستات سواء زوجته أو بنته أو أخته، أو مديرته في الشغل، ويارب ما يحكم على أي رجل أن تكون مديرته في الشغل ست، لأن عقد الدنيا كلها بتبقى فيها، وهطلع عينك".
وأوضح "حسني" أن "الست تراعي الرجل ونفسيته في البيت لمدة أسبوع واحد، ولكن ده بيخلص على طول وتلاقي عملتلك البوز الكئيب والتكشيرة على طول، وعيشتك تبقى صعبة وبايظة".
وأردف أن "الست تحب المقارنة بينهما وبين أقربائها، فمثلًا تكون عايزين ندخل ولادنا مدرسة زي بنت خالتي ولما يتقال مش هنقدر يبقى ليلتنا سوداء، في المقابل لما الرجل يقولها اهتمي بشعرك ونفسيك زي مثلًا اختك تلاقيها تزعق وتقول متقرنيش بحد، طيب أشمعنى مفيش مقارنة دلوقتي".
