رشا سامي العدل عن رحيل وائل نور: "كان لسه معايا إمبارح"
أعربت رشا نجلة الفنان الراحل سامي العدل، عن حزنها الشديد لرحيل الفنان وائل نور.
وقالت رشا في تدوينة لها عبر حسابها الرسمي بموقع التواصل الاجتماعي "فيس بوك": "سبحان الله.. الله يرحمك يا وائل كان لسة معايا إمبارح وبيقول لي فاكرة زمان وإنتي عيلة صغيرة وكنا بنلعب بيكي في بيتكم القديم الله يرحم أبوكي عارفة يا بت يا رشا جيلنا ده مش هايتعوض عملنا كل حاجة واتبسطنا بجد عيشنا الحياة اللي الجيل ده محروم منها.. وبجد أنا ببقي فرحان لما بشوفك وعايزك تخدي بالك من نفسك علشان إنتي جميلة من جواكي.. بس أنا مبسوط ومبسوط أوي وقعد يرقص ويضحك".
وتابعت نجلة الفنان الراحل سامي العدل، قائلة: "لو كنت أعرف انك هاتروح كنت قعدت معاك شوية كمان وسمعت ذكريات أكتر ربنا يرحمك ويغفر لك ويثبتك عند السؤال وداعًا وائل نور".
