حسام حبيب يحسم جدل ارتباطه بعارضة أزياء أردنية
حسم الفنان حسام حبيب جدل ارتباطه بعارضة أزياء أردنية تدعى سارة بعد أيام من التوقعات والشائعات التي لاحقت خبر إعلانه اقتراب دخوله القفص الذهبي مجددا بعد انفصاله عن الفنانة شيرين عبد الوهاب.
ورغم أن حسام حبيب رفض في بداية إعلانه عن ارتباطه الكشف عن هوية عروسته واكتفى بمعلومة أنها ليست مصرية ومن خارج الوسط الفني إلا أنه أعاد نشر صورة لعارضة أزياء أردنية تدعى سارة عبر خاصية استوري صفحته الشخصية على انستجرام على أنغام أغنيته «شوفت بعنيا».
ليتوقع الجمهور أنها العروس الجديدة ولكن خرج بعد ساعات من انتشار التوقعات الفنان حسام حبيب ليحسم الجدل مؤكدا أن بسبب هذه الشائعات فشل مشروع ارتباطهم الرسمي ونفى شائعة خطوبتهما قائلا :« الموضوع ما وصلش خالص للخطوبة نهائي.. هما سبقوا الأحداث وخلوا الموضوع يتعقد بدل ما يحصل فيه خير».
وتابع حسام حبيب :«مش عارف الناس عايزين إيه مني بجد.. على طول الناس بتخربلي حياتي..إن كان في حاجة هما كده بوظوها لأن أهل البنت ليهم عاداتهم وتقاليدهم وناس محترمين جدا» وهاجم مروجي الشائعات قائلا :«إحنا زمان كان لينا عاداتنا وتقاليدنا وكنا بنحترم يعني إيه بنت.. مش عارف إيه اللي حصل للمصريين؟ النخوة اللي كانت عندنا راحت فين».
وأضاف في تصريحات لـ «et بالعربي»: «يعني مش عارف الناس بقت بتتكلم في أي حاجة لمجرد التريند وتحقيق المشاهدات بس وييجوا يقولوا حسام هو اللي بيدور على اللقطة فين اللقطة اللي بدور عليها؟ إنتو اللي بتدوروا ورايا أهو.. ابعدوا عن حياتي بقى.. أنا مش عايز حد يتكلم عني ».
واختتم حسام حبيب حديثه قائلا :«أنا هشوف مين اللي كتب الكلام ده على لساني وهحبسه لأني ما قلتش لأي حد وأنا هكبر المشكلة لأن البنت دي بنت ناس كبيرة أوي في الأردن فهندخل القضايا ونشوف بقى».
