جات نورت حياتي.. محمد العمروسى يتغزل في زوجته مي فاروق

كشف الفنان محمد العمروسى عن سعادته بالزواج من الفنانة مى فاروق، واصفا إياها بالرزق الذى أرسله الله له.

وقال محمد العمروسى فى برنامج "بالمايك والقلم" الذى يقدمه عبد العزيز أحمد: "مي فاروق الرزق اللي ربنا بعتهولي أنا اتعرفت عليها بالصدفة شعور لما تبقى ماشي في ضلمة وفجأة تلاقي النور، هي وشها حلو عليا جدا وجات نورت حياتي، الحياة استقرار، استقرار روحك وأنا روحي استقرت معاها ودي كانت أهم حاجة بالنسبة ليا".

وأضاف محمد العمروسى : اتقابلنا في فرح المخرجة بتول عرفة وهاني الطمباري، أنا كنت متضايق ومش عايز أروح الفرح وهي كذلك، صديق ليا ألح عليا وروحت الفرح وهي كمان واتقابلنا ولما حكينا لبعض المواقف عرفت أن ربنا بيقربنا من بعض وعايزنا نتقابل.

واوضح محمد العمروسى : "هي بالنسبة ليا ست البنات مش بشوف حد غيرها وهي حاجة كبيرة أوي بحترمها وهي بتحترمني وبتمنى ليها كل التوفيق والسعادة.