الرئيس السيسى لـ"المحتكرين": ممكن الحكومة تدخل تجيب سلع من أجل توازن السوق.. وفرصة أننا نحتفل فى رمضان بالمرأة المصرية

وجه الرئيس عبد الفتاح السيسي الحكومة بدراسة المشاركة فى ضبط الأسواق من خلال طرح السلع في الأسواق، قائلا: "يا دكتور مصطفي الناس اللى بتشتغل في القطاع الخاص فيما يخص السلع.. من قبل مني لما قالوا اقتصاد حر كان الهدف أن ندي الفرصة للكل والحكومة تراجعت عن هذا الدور.. طبعا بدون شك بعترف أن الفترة اللى فاتت صعبة.. تجاوزنا الفترة دى وفيه استقرار"

وأضاف الرئيس السيسي، خلال كلمته في احتفالية يوم المرأة المصرية والأم المثالية: "لما نواجه الاحتكار والمؤسسات المعنية.. خشوا وهاتوا سلع بـ 2 -3 مليار علشان نعمل توازن فى السوق.. مش هقدر أقول ولا هشكك فى ذمم حد ولا في ضمائر حد ولا وطنية حد.. يعني تعمل كده وتطلع تحج أو تطلع زكاة.. مش بقول حد وحش.. نخش ونبعت نجيب سلع والدولة تخش تانى.. واحنا اللى بنوفر الدولار لهم.. طب خلاص".

أكد الرئيس عبد الفتاح السيسي، أن الأوضاع داخل الدولة المصرية فى تحسن كبير، متابعا: "النقطة التانية الخاصة بالموقف الداخلى.. بطمنكم بفضل الله سبحانه وتعالى.. وعمرى ما هقول كلام كده.. احنا في وضع أحسن كتير والأمور بتحسسن وهتتحسن أفضل كده علشان نتجاوز الأزمة دى.. وربنا سبحانه وتعالي يساعد اللى بيساعد نفسه.. الحمد لله رب العالمين أحسن ومستمرين".

قال الرئيس عبد الفتاح السيسي للمشاركين في احتفالية يوم المرأة المصرية والأم المثالية: "أنا مش عاوز اسيبكم وسعيد بيكم.. لكن مفيش تمييز والنماذج اللى بيحتاجها العمل.. المرأة والرجل.. احنا شعب عظيم ولها تاريخ كبير أوي على مر الاف السنين".

وأضاف الرئيس السيسي، خلال كلمته في احتفالية تكريم المرأة المصرية والأم المثالية 2024: "ده شهر كريم ومناسبة جميلة جدا.. الاحتفال بأنه يكون للمرأة وكل سيدة أعطت نقول لها شكرا وربنا يجزيكي خير ويديكي الصحة ويوفقك سواء صغيرة أو كبيرة".