الرئيس: الجامعات الأهلية والتوأمة هدفها تعويض الفجوة فى القطاع ..والرقمنة سوق جديد لفرص العمل

أكد الرئيس عبدالفتاح السيسى، على أهمية الرقمنة ودورها فى سوق العمل فى الداخل والخارج، مشيرا إلى نوعية مسار التعليم.

قال الرئيس السيسى فى كلمة خلال اجتماع المجلس الأعلى للجامعات:" فى مصر وبره مصر مستنى إنسان متعلم الرقمنة.. طيب احنا بنخرج سوق العمل قد إيه لفرص عمل حقيقة لسوق العمل سواء مصرى أو غير مصري؟.

أضاف الرئيس السيسي: "هل النهاردة ولادنا الموجودين فى الآداب.. مش معناه تقليل من من الآداب.. ممكن نكون محتاجين منهم نسبة لكن مش الكتلة دى كلها.. الكلام ده فى كتير من التخصصات اللى بيتم خروجها".

تابع الرئيس: "اللى عملناه محاولة من أفكار مثل الجامعات الأهلية والتوأمة لتعويض الفجوة فى القطاع اللى محتاجين كلنا نبقا فاهمينها.. اللى أنا كإنسان عندى موضوع الفلوس والتكلفة "هاجس".

وتحدث الرئيس عبد الفتاح السيسي عن فرص العمل الجديدة قائلا: "عاوز اقولكم هو النهاردة الشاب أو الشابة اللى هيخش كلية الاداب أو كلية التجارة أو كلية الحقوق فرصة العمل بتاعته قد ايه.. الكلام ده معروف من كتير.. احنا كدولة وتعليم عملنا ايه علشان نقنع ولادنا وأسرهم انه مش يكون استهداف الشهادة ويخلص ذمته ويقوله احنا عملنكم.. لما علمتوا.. الـ4 سنين الفرصة اللى كانت متاحة ليك كأسرة تتشكل وتبني شخصية قادرة على فرصة عمل تعيش".

وأضاف الرئيس السيسي خلال كلمته في اجتماع المجلس الأعلى للجامعات: "احنا مش عملنا كده الكثير من التخصصات اللى بندرسها وتستوعب حجم من أبنائنا في الثانوية.. وهما فرص العمل منعدمة ولا محدودة.. عاوز اقولكم على حاجة في نفس الوقت سوق العمل مستني مئات آلاف من الناس اللى في الرقمنة مستني شخصية أو انسان أو انسانة متعلم المجال ده".