الليثي وصيام يتحدثا عن مجدي يعقوب "أمير القلوب".. برنامج الحلواني الشرق الأوسط

تتناول حلقة اليوم الاربعاء من برنامج " الحلواني " للإعلامي الكبير د. عمرو الليثي والفنان القدير احمد صيام ،  الحديث عن حلوانى جديد من اللى بنوا مجد وعظمة مصر في كافة المجالات ، وحلقة اليوم تحدثت عن مجدي يعقوب

وقال أحمد صیام  ان حلقة اليوم تتحدث  عن حلواني تاني خالص ، حلواني القلوب اللي ملكة بریطانیا بذات نفسھا اعطته لقب فارس ، اعلى وسام في بلاد الانجلیز ..

ليعقب عمرو الليثي  : انه ملك القلوب السیر مجدي یعقوب اشھر جراح قلب في العالم ، واللي طور جراحات القلب ونقل لاول مرة في تاریخ الطب قلب لانسان عاش به اكتر من ٢٥ سنة .

ليعقب صیام : مجدي يعقوب مصري شرقاوي من بلبیس واصوله من المنیا ،

ليرد عمرو  الليثي وكان من اوائل شباب القصر العیني اللذين سافروا امریكا یتعلموا اواخر الخمسینات وبعدھا راح انجلترا سنة ٦٢ ووصل لاعلى المناصب ھناك ..

⁃ صیام بفخر : یاعمرو باشا ، ابننا مجدي یعقوب كان اھم شخصیة طبیة في بریطانیا العظمى ، وكان مسئول عن اكبر مركز لجراحة القلب والرئتین في العالم

ليرد عمرو الليثي : ولهذا هو بعتلي قائمة اللي بنوا مصر وكانوا في الاصل حلوانیة .. یعقوب حلواني كبیر ، بنى سمعة مصر الكبیرة في الطب وخلى العالم كلھ یشوف عبقریة المصري كریم العنصرین..
 

ومن اهم انجازاته مركز جراحات قلب الاطفال اللي عملھ في اسوان واللي بیعالج سنویا بالمجان مئات الاطفال ، وقریب قوي ھایفتتح فرع اكبر واحدث في الشیخ زاید ..

صیام : طب انت عارف لیھ اختار اسوان بالتحدید عشان یعمل ھناك مركز القلب ؟

عمرو : عارف طبعا یاسي رمضان ، وسیر مجدي قال لي شخصیا انھ اختار اسوان عشان اولا بیحبھا وبیحب ناسھا وجوھا الصحي ولانھ عاش فیھا جزء من طفولتھ لما والده الدكتور حبیب یعقوب كان بیشغل فیھا ..

⁃ صیام : واھم حاجة عشان یوفر خدمة طبیة لاھل اسوان والصعید اللي كانوا محتاجین اكتر من غیرھم مركز القلب اللي وفر علیھم التعب والسفر للقاھرة عشان یعالجوا اطفالھم ..

يذاع برنامج «الحلونى » عبر إذاعة الشرق الأوسط في الساعة ٥.٢٥ قبل الإفطار والاعادة ٩.١٠ صباحا من الاحد الي الخميس يوميا خلال شهر رمضان .

البرنامج من تقديم الإعلامي د. عمرو الليثى ويشارك في التمثيل به الفنان القدير أحمد صيام ويكتبه الكاتب الصحفي محمد الشبّه ويخرجه الإذاعي تامر حسنى