الليثي وصيام يتحدثا عن محمد على باشا بـ "الحلواني" على الشرق الأوسط

تناولت حلقة اليوم الثلاثاء من برنامج " الحلواني " للإعلامي الكبير د. عمرو الليثي والفنان القدير احمد صيام ،  الحديث عن حلوانى جديد من اللى بنوا مجد وعظمة مصر في كافة المجالات ، وحلقة اليوم تتحدث عن محمد على باشا اللى بنى الدولة الحديثة

وأشار عمرو الليثي ان تاریخ مصر مدرستین ..مدرسة بتقول ان تاریخ الدولة الحدیثة بیبدأ مع دخول الحملة الفرنسیة واكتشاف حجر رشید ، ومدرسة تانیة بتقول انھا بدأت بتولي محمد على باشا الحكم سنة ١٨٠٥ لما أنشأ المدارس وبنى الاسطول وتوسع في الزراعة و مختلف المجالات .

ليعقب صیام : والله یا أخ عمرو ، أصل بالذات الباشا الكبیر محمد علي ده حوالیه كلام كتیر ، ناس تقول كان راجل مصلح وف عھده مصر بقت امبراطوریة عظمى ، وناس تانیة تقول كل اللي عمله كان عشان طموحه الشخصي أساساً .

واوضح عمرو ان محمد على ماكانش ابن باشا ، كان ابن تاجر دخان اسمه ابراھیم أغا ، واشتغل معاه وھو صغیر دخاخني ، و ايضاً محمد علي ماكنش ألباني ، كان یوناني من مدینة قوله بمقدونیا ، أبوه ھوه اللي أصله من ألبانیا ، والمصریین بعد كده ھما اللي قالوا علیه ألباني لانه كان جاي مع الكتیبة الالبانیة في الجیش العثماني .

ويضيف عمرو  الليثي الحقیقة بقى انه عمل حاجات كتیر كویسة ، و كان طبعا لیه اخطاؤه بس عیبه في رأیي انه على عكس ابراھیم ابنه الكبیر ماحاولش یتعلم ولا یتكلم مصري وفضل لغایة مامات یتكلم تركي او یوناني .

ومن الجدير بالذكر ان برنامج " الحلواني" يرصد خلال حلقاته أسرار وكواليس تذاع لأول مرة عن أهم الشخصيات والمبدعين في كافة المجالات علي مدار التاريخ و أحياء المحروسة التاريخية .

يذاع برنامج «الحلونى » عبر إذاعة الشرق الأوسط في الساعة ٥.٢٥ قبل الإفطار والاعادة ٩.١٠ صباحا من الاحد الي الخميس يوميا خلال شهر رمضان .

البرنامج من تقديم الإعلامي د. عمرو الليثى ويشارك في التمثيل به الفنان القدير أحمد صيام ويكتبه الكاتب الصحفي محمد الشبّه ويخرجه الإذاعي تامر حسنى