بعد مواجهة شيخ العرافين.. زوجة حسن شاكوش تطلب الطلاق على الهواء
فجر شيخ العرافين، ببرنامج "العرافة" المذاع على قناة "النهار"، مفاجأة من العيار الثقيل عن مطرب المهرجانات حسن شاكوش، مؤكدًا أنه متزوج من أخرى ويعيش معها في فيلا بالتجمع.
زواج حسن شاكوش من عروسة التجمع
وواجه شيخ العرافين، حسن شاكوش، بزيجة التجمع، موجها سؤال لزوجته ريم، “عارفة مين اللى جايبله السلسلة اللى لابسها؟ قالك على الجوازة؟ قالك على العربية اللي جابها؟ قالك على الفيلا اللي في التجمع؟ اسأله يا ريم؟”.
وظهر التوتر على حسن شاكوش أمام زوجته ريم، مهددا بسمة وهبة، بالانسحاب من الحلقة حال لم يكف شيخ العرافين عن تصريحاته، قائلا: "انت كده بتخبط في الكلام ومش هينفع كده".
ووجه شيخ العرافين، سؤالا لزوجة حسن شاكوش: "هو مقالكيش يا ريم علي العروسة اللى في التجمع؟ لتعقب ريم: “لأ مقاليش عروسة ايه؟”، ويعلق شاكوش: عروسة ايه وفيلا التجمع ايه؟ العروسة اهي، ليضحك شيخ العرافين: "لأ مش هي دي العروسة، ده متجوز يا ريم واحدة تانية".
وقال شيخ العرافين: "اللى جابلك يا ريم الكلب الهدية اللي حسن شاكوش جابهولك، العروسة اللى بعتاه ليكي، حسن شاكوش متجوز واحدة تانية"، ليعلق حسن شاكوش متوترا:"العروسة بعتاه للعروسة ازاي لو انا متجوز واحدة تانية هيبقوا بيشدوا في شعر بعض، انا مش متجوز بس كنت داخل مشروع جواز قبل ما اتجوزها، والبنت فعلا من التجمع"، لترد ريم:"تجمع مين انا معرفش حاجة ومقولتليش حاجة"، ليعلق شاكوش:"متعرفيش حاجة ايه انا كنت مكلمك عليها وخلاص انا متجوزك دلوقتي وملكيش دعوة بحاجة، شيخ العرافين ده كداب".
وانهارت زوجة حسن شاكوش، علي الهواء، موجهة سؤالا لحسن:"مين اللى جابلك السلسلة، شيخ العرافين مش كل حاجة بيقولها كده، وانت جبت الكلب منين؟ طلعت متجوز في التجمع، عموما حصل خير والموضوع انتهي".
وطلبت ريم زوجة حسن شاكوش، الانفصال علي الهواء، ليعلق حسن شاكوش: "موضوع ايه اللى انتهى؟"، لتصمت زوجته ولم ترد عليه.
