ورا مصنع الكراسي .. الحلقه الرابعة "البعد الآخر"

ورا مصنع الكراسي .. جملة هانقف عندها كتير 
كل واحد فينا هايخده خياله لبعيد، بس ياترى هيوصله لحد فين .. مش عارفين .. لكن الأكيد أن ورا مصنع الكراسي مليان حواديت وقصص كتير مختلفة .. ياترى كام واحد فينا عنده الشجاعة يروح ورا مصنع كراسي .. ويا ترى هيلاقي ايه وهيرجع من هناك زي ماهو ولا حد تاني .
طيب ماتيجوا نروح ونشوف مستنينا ايه ....ورا مصنع الكراسي ..... 

الحلقة الرابعة: البعد الآخر

جربت مرة تختفي لأيام وترجع تحكي انك كنت في مكان تاني ومع ناس تانيين !!!! طب ياتري حد صدق ؟؟؟؟ ولو قالولك أنه ماحصلش وانك ما غبتش ولا اختفيت وانك رجعت في نفس اليوم !!!! هايكون رد فعلك ايه ؟؟؟؟ طيب لو كان معاك دليل من هناك !!! اه من هناك من البعد الاخر ... هاتقول ايه ؟؟؟ ياترى عندك تفسير ؟؟؟ ولا مجرد تجربة عدت عليك والقدر اختارك .... ما سألتش نفسك ليه الزمن بيقف عندك ؟؟؟؟

رحيل مرشدة سياحية شاطرة اوي ومميزة جدا .... النهاردة رحيل في الفيوم وبالتحديد قصر التية اللي دايما الناس خايفة منه وبيقولوا أن اللي بيدخله مابيطلعش تاني للحياة !!!! ياترى ده بجد ولا مجرد اساطير حوالين القصر !!!! 

طيب جربت تروح هناك وتتأكد هاتطلع ولا هاتختفي وماحدش يلاقيك !!!  ولا هاتشوفهم وتسمعهم وتصرخ بأعلي صوتك انا هنا بس ماحدش شايفك وكأنك محبوس في مرايا ليها وش واحد تشوفهم منها لكن ولا حد يشوفك !!!!!

ايام كتييير غابت فيهم رحيل مالقوش منها غير شنطتها جوة القصر ومالهاش اي أثر وكل اللي معاها أكدوا  أنها اختفت قدام عينيهم وهي بتحكي تاريخ القصر !!!!!! لا ده مش فيلم خيال علمي ده حدث بالفعل...
 

فجأة الباب يخبط وتبقي هي رحيل بنفس اللبس والإبتسامة وكأنها ماغبتش لحظة والزمن وقف عندها أو بيها لكن عيلتها في حالة ذهول مش مصدقين أنها رجعت طب كانت فين ورجعت منين !!!! طب هو ايه اللي حصل ؟؟؟ مفيش اجابة وهي مستغرباهم و بتأكد أنها غابت ساعات يومها العادي جدا ؟؟؟؟ 
 

تفتكروا رحيل كانت فين واختفت ازاي !!!! طب ورجعت منين وايه  اللي رجعها ؟؟؟ طب واختفت ليه ؟؟؟؟ وفعلا غابت مجرد ساعات زي ما بتقول ولا هي قررت ماتحكيش ؟؟؟؟ وايه سر القلادة اللي بين ايديها !!!! ياترى شافت ايه ؟؟؟ أسئلة هاتفضل من غير اجابة.... ياترى كام واحد اختفى ومارجعش !!!! وياترى اللي رجعوا كانوا فين ؟؟؟ وعملوا ايه ؟؟؟ وقالوا ايه ؟؟؟ وليه حصل معاهم ده ؟؟؟ وياترى صدفة ولا قدرهم ؟؟؟  والأهم راجعين ليه ؟؟؟؟ ياترى كام مرة عرفت أن فيه حد اختفى ومالهوش اي اثر وكام قضية من النوع ده  اتقفلت من غير إجابة أو حل واضح ؟؟؟ وكام مرة اتفاجئت أن الغايب رجع !!!! وكان واحد فيهم حكى عن اللي شافه وحصل معاه وكام واحد سكت وماتكلمش ؟؟؟؟؟ ياترى مريت بتجربة زي دي !!!! طب صدقوك !!!! طب انت اقتنعت انك اختفيت ؟؟؟ ولقيت ايه هناك ؟؟؟ وحكتلهم ولا سكت !!!!  هو  من إمتى كل حاجة بتحصل بتتفهم أو حتى بتتفسر !!! طب هو من إمتى ورا مصنع الكراسي ليه منطق أو عقل ... البعد الآخر !!!