شغلي خط أحمر .. سلوى عثمان: حطيت بند في عقد زواجي أني ماسبيش "التمثيل"

قالت الفنانة سلوى عثمان انا اتجوزت مش بدري ومش متاخر يعني ، تزوجت فترة قصير ثم حصل انفصال وقعدة فترة ثم تزوجت من " أسامة " زوجها الحالي منذ 15 سنة.

وأضافت سلوى عثمان خلال ظهورها في برنامج كلام الناس تقديم الإعلامية ياسمين عز: غى البداية شغلي بالنسبة لي خط أحمر مع أي حد بتجوزه مفيش حد يقدر وبتفق أني عمري ما هسيب شغلي وحطيت بند في عقد زواجي من زوجي الحالي لأن ساعتها المأذون قال لو عايزين أي بند او شروط تقولو قلت أنا عايزه أن مسيبش شغلي.

وأضافت: هو اصلا زوجي من غير الكتابة هو حابب الشغل بتاعي لكن هو متفهم جدا شغلي، ومتفهم أني بكون مشغولة في رمضان وساعات بنبات في الشغل للصبح وعنده فكر وهو محتوي الموضوع، و أنا بصراحة مش بقصر معاه في البيت مش معنى إني مشغولة ما عرفش حاجة عن هدومة واكلة ولا شربة شغله كله بيكون متظبط لكني يعني عندي ترتيب في حياتي أني ما قصرش معاه.

سلوى عثمان الجزء الثاني من مسلسل "رمضان كريم"

كشفت الفنانة سلوى عثمان تفاصيل الجزء الثاني من مسلسل "رمضان كريم" المقرر عرضه في الماراثون الرمضاني القادم 2023، قائلة: "الجزء الثانى من مسلسل "رمضان كريم" هيكون بنفس الروح الاجتماعية الجميلة اللي شوفناها في الجزء الأول، وفيه ممثلين جدد هيشاركوا زي ويزو نجمة مسرح مصر".

وتابعت "سلوى عثمان" خلال مداخلة هاتفية لبرنامج فن مشكل تقديم ليلى بدران على شعبى أف إم: "منذ طفولتي كنت أحب الذهاب مع والدى للحفلات، وصعدت على المسرح فى سن 7 سنوات ومن هنا بدأت أحب التمثيل"، مشيرة أن تحب وصفها بالأم المصرية: "أنا بتبسط لما الجمهور يوصفني بالأم المصرية الأصيلة".

واستكملت حديثها سلوى عثمان قائلة: "بحب دايمًا أقدم أدوار قريبة من قلبي وقلوب الناس، فالجمهور هو أساس حياتنا، وبحب اختيار أدوار مختلفة عن بعضها، ويجب أن استمتع بالدور الذى أقوم بتمثيله، مشيرة أنها كانت تتمنى المشاركة في فيلم "نحن لا نزرع الشوك" بطولة شادية ومحمود ياسين.