الرئيس السيسي: إنشاء صندوق لدعم الأسر ضمن قانون الأحوال الشخصية الجديد

تحدث الرئيس عبد الفتاح السيسي، عن إنشاء صندوق لدعم الأسرة ضمن مشروع قانون الأحوال الشخصية الجديد، قائلا: "ليه بنعمل الفكرة دي.. أنا بقوله النهارده مش عاوزين أي أسرة والاختلاف وارد.. لما الاختلاف وارد فيه فترة زمنية وقت الاختلاف.. من يتكفل بالأبناء.. هما زعلانين ومش عاوزين يصرفوا.. طب مين اللى يصرف على الأولاد.. هل يضيع الأبناء؟!.. دول ولاد مصر.. صندوق دعم الأٍسرة في الأوقات الحرجة.. وقولنا الدعم الحكومى تساهم في بقدر ما يساهم فيه المتزوجين".

وأضاف الرئيس السيسي، خلال كلمته في افتتاح مشروعات جديدة في مجمع الصناعات الكيماوية بمحافظة الجيزة: "أي إجراء بنعمله خالي بالكم.. أن الدين بيخاطب الضمائر له نظم.. والدولة لازم تعمل نظم تحقق مقاصد الدين.. يعني لما يجي يقولك إكرام اليتيم.. اكرموا اليتيم.. الدولة تأخذ اتجاه وتعمل قواعد وإجراءات لإكرام اليتيم.. أي إجراء يتم علشان الناس تفهم يعني أيه دين حقيقي.. مش فقط نخاطب ضمائر الناس.. الدولة مسئولة عن قواعد ونظم تحقق المقاصد الطيبة للدين".

تحدث الرئيس السيسي، عن إنشاء صندوق جديد ضمن قانون الأحوال الشخصية الجديد، قائلا: "قولت النهارده نعمل صندوق.. جاي تتجوز حط مبلغ للصندوق.. ومش كبير أوي.. اللى يقدر على الجواز يقدر يعمل ويشارك في الصندوق.. ولا تعقدوا تتخانقوا على الفرش والتكاليف.. لا ده مبلغ مش كتير.. وأنا كدولة اتفقت مع الدكتور مصطفي مدبولي.. نخط قد ما يجيب الصندوق.. مليار قصاده مليار.. مليارين هنحط مليارين.. تأمين أولادنا في كل شيء.. ده النقاش.. انتوا بتتكلموا عن نسبة طلاق".

وأضاف الرئيس السيسي، خلال كلمته في افتتاح مشروعات جديدة بمجمع الصناعات الكيماوية في الجيزة: "جبنا متخصصين من الجامعة وعلم النفس خلال إعداد مشروع القانون الجديد للأحوال الشخصية".

وداعب الرئيس السيسي وزير العدل: "عملنا المؤتمر الصحفي أهو لقانون الأحوال الشخصية الجديدة للحديث عن ملامحه".

وتابع الرئيس السيسي: "أكدنا على ضرورة أنه ما فيش تجربة شخصية تكون حالة عامة في القانون الجديدة للأحوال الشخصية.. إحنا بنعمل قانون الاستثناء للزواج والطلاق الخلاف أثناء الطلاق.. فيه أسر عندها قدرة تتجاوز الخلاف والأمور ماشية بسلام.. وأنت بتعمل قانون الاستثناء.. والحالة الواحدة اللى بتحصل لازم تتدرس لأنها مش ظاهرة"

تحدث الرئيس عبد الفتاح السيسي، عن توفير الوقت اللازم للزوجين من أجل التفكير في الإنجاب، قائلا: "فيه ناس سمعت مني الكلام ده قبل كده.. قولت فكروا في أول سنتين تلاتة قبل الزواج.. الناس فكرت إنى بهدف لتنظيم النسل.. البنت والولد والشاب الشابة كانوا في بيوت أهاليهم في كنف أسرة.. أب بيشيل ويراعي.. راحوا لبيت تاني وشكل تاني".

وأضاف الرئيس السيسي، خلال كلمته في افتتاح مشروعات قومية جديدة في محافظة الجيزة: "لازم فرصة يعيشوا ويتحملوا مسار الحياة لسنة ولا اتنين.. لو بقوا قادرين يدخلوا في مرحلة الإنجاب.. اللى بقوله كلام موضوعي ومنطقي.. لا اقصد أن الناس مش تخلف".

أكد الرئيس عبد الفتاح السيسي، أن الهدف من إجراءات وشروط الكشف الطبي للزواج في قانون الأحوال الشخصية الجديد ليس التعقيد، قائلا: "مش بعقدها خالص لا والله.. بطمن الأم والأب.. هو الجواز حاجة بسيطة.. ده أغلظ ميثاق.. فيه قاضي ومعاه مستشار بيشوف الفحوصات.. بيأكد وبيدي الأذن للعقد.. لأن الاتنين شافوا بالظبط.. الموقف واطمأنوا وقبلوا بالنتائج.. ويتعمل القعد على كده.. حد يقولي أنا مش خايف إن الناس تلجأ لأسلوب أخر.. أنا أمام الله بشرح وبأكد وبتكلم.. وبنحاول نعمل مسار يؤكد السلامة.

وأضاف الرئيس السيسي، خلال كلمته في افتتاح مشروعات قومية جديدة بمحافظة الجيزة: "الدكتور سعد الهلالي.. أتكلم عن شروط المسألة دي وأن السلامة من شروط الزواج من 1400 سنة.. اللى كان موجود وقتها ومتاح من معرفة.. المعرفة اتغيرت واتطورت.. بقي عندي فرصة اشوف أكثر.. اقدر أقول إن الانجاب فرصه قد إيه.. واعرف الخلل والعيب بالنسبة كمان.. طب لو الطب عملي كدولة ومش خدت بيه.. كدولة ظلمت حالة الزواج.. فيه كلام كتير .. واللى هتتفقوا عليه.. هو ده اللى هنفذه.. وده فرصة نتكلم مع الناس ونستفيد".