ياسمين عز: لو جوزك اتجوز عليكي وعاد معتذرًا بنقوله أهلًا والراجل غلبان

صرحت الإعلامية ياسمين عز، عبر برنامجها كلام الناس: على قناة إم بي سي مصر لو جوزك اتجوز عليكي وعاد معتذرًا بنقوله أهلًا.
يا أهلا بيه والله يحيه هنرجع ونحافظ على بيتنا ومفيش كلمة طلاق تاني.

مفاتيح الرجل

مفاتيح الرجل 3 حاجات، أمه وأخته وودنه.

"أمه، إنتي عارفه حماتك، وهترجعهولك، وأخته إنتي عارفة التعامل معها يكون إزاي، وبالنسبة لودنه فهو عايز يسمع كلام حلو، هيشوفك ست الكل ومحور الكون".

وهعمل حلقة ثانية عن أخته خصوصًا طيب و حتى لو غلطانة وزي ما بيقولوا الزن على الودان أمر من السحر و هيشوفك ست الكل.

وتابعت ياسمين عز، نصيحتها للسيدات كعادتها، بالتغاضي عن أخطاء الرجال واحتوائهم وعدم طلب الانفصال نهائيًا.

طيب لو الخطة نجحت وساب الزوجة الثانية السؤال ليكى انتى بقي ماذا لو عاد معتذرًا؟ 
يا أهلا بيه والله يحيه هنرجع ونحافظ على بيتنا ومفيش كلمة طلاق تاني إحنا بنصلح البيت، وبنسامح الراجل اللي غلط واعتذر، عشان نحافظ على البيت.

وأضافت "ياسمين عز" خلال برنامجها "كلام الناس" المذاع على قناة إم بي سي مصر، أن هناك عدة أشياء لابد من الزوجة أن تفعلها حتى لا يتزوج زوجها عليها مرة أخرى.

واستعانت ياسمين بـ مثل شعبي قديم، قائلة: حطي جوزك فوق السطوح ولو ليكي نصيب فيه مش هيروح، وحرصي من القريب قبل الغريب جوزك ميوصلش صحبتك لوحده .. ومش عاوزة اسمع جملة بثق في حد غير في نفسك وأهلك ".

و رقم جوزك اوعى تدي رقم جوزك لحد ولا تقولي شغله فين ومتحكيش عن حلاوته لحد حتى الدليفري أطلبي من موبايلك، لأن واحدة ممكن تكلم المطعم وتحاول تجيب رقم جوزك.

واضافت: الراجل غلبان وغلط و رجع لصوابه والعتاب نخليه بعدين، متبقاش هي قاعدة رجلها في الشمس وأنتي وشك يكون قد اللقمة و تمنعي عن الرجوع.

وأضافت: أي مكان فيه تجمع جوزك في إيدك لأنه فرعون وحتة آثار ولو رايحة الحمام خديه معاكي، ومتعزميش صاحبتك وتسبيها جنب جوزك وتروحي تجيبي العصير من المطبخ لأن بكرا هتروح هي تجيب الشربات ومينفعش تقولي الست مش ملزمة لأن هتيجي واحدة ملزمة تاخده منك و تفصص له السمك كمان.