عبدالغني: الدوري أول هدية لجماهير الزمالك
أكد علاء عبدالغني المدرب المساعد لفريق الزمالك، على أن بطولة الدوري المصري الممتاز ستكون أول هدية لجماهير القلعة البيضاء هذا الموسم.
وقال عبدالغني على صفحته الشخصية عبر موقع التواصل الاجتماعى "الفيس بوك": "السلام عليكم ورحمة الله وبركاته. قدر الله وما شاء فعل لكل واحد زملكاوي بيحب النادي فعلا أنا عارف أنكم زعلانين بس هي دي الكورة فائز ومهزوم ودي واحدة من أسوء مبارياتنا من أول الموسم في كل حاجة واحنا اللي ساعدناهم إنهم يبقوا كويسين وهما يستحقوا" .
وخسر الزمالك أمام الأهلي بهدفين دون رد، في اللقاء المؤجل من الجولة 37 لبطولة الدوري.
وأضاف: "بس أنا عايز اقولكم احنا متصدرين من اول الدوري والتاريخ بيكتب بطولات مش نتيجة ماتش. احنا كلنا بنتأسفلكم فعلا وبطولة الدوري اول هدية ليكم إن شاء الله ومحدش عارف الخير فين أهم حاجة نقول الحمدلله".
ويحتاج الزمالك نقطة واحدة من مباراتيه أمام طلائع الجيش ووادي دجلة للفوز بلقب الدوري للمرة 12 في تاريخه.
