مقدمة قوية لعمرو الليثي عن مسلسل حدوتة مرة والنجمة غادة عبد الرازق

قال اﻻعلامي د. عمرو الليثي في مقدمة برنامج واحد من الناس علي النهار اننا في حلقة خاصة الليلة ونحكى حدوتة اجتماعية درامية مليانة اثارة وتشويق حدوتة انفردنا بها حصريا طوال شهر رمضان على شاشة قناة النهار وحققت نسب مشاهدة عالية جدا

وتابع الليثي والاهم من كده انها اثارت الجدل على صفحات السوشيال ميديا لانها كانت دراما مختلفة عن اعمال كتير شفناها قبل كدة ، حدوتة بطلتها نجمة من طراز خاص، بتبهرنا دايما بجرأتها فى اختيار أدوار محدش يتوقعها او يتخيل انها ممكن تعملها ، وبتجسد كل شخصية بتمثلها بمشاعر صادقة واحاسيس حقيقية والاهم من كدة انها بتعيش تحت جلد الشخصية بكل كيانها واهتمامها وموهبتها الكبيرة.

وأضاف اننا نتناول تفاصيل وكواليس واسرار مسلسل( حدوتة مرة ) اللى قامت ببطولتة النجمة الجميلة غادة عبد الرازق واللى منورانا فى الاستديو ومعاها مؤلف العمل الفنان عمر عبد الحليم ومخرجته ياسمين احمد كمال اللى كتير من النقاد اعتبروها احد مكاسب الدراما الرمضانية السنة دى