أمل منصور: مناقشة الثقافة الجنسية ضرورةً في ضوء احترام الأعراف والتقاليد
قالت الإعلامية امل منصور في مقدمة برنامج ساعة أمل علي شاسة الحدث اليوم بالتأكيد في حكايات كتير أوي وراء كل باب مش بس أبواب البيوت لكن كمان أبواب الأوض جوه كل بيت ممكن تلاقي حكاوي كتير جداً العلاقة الحميمة والعلاقة الجنسية حاجة في منتهى الأهمية وفي منتهى الخطورة وإن هي بتسوق لطريق في رضى مشترك بين الطرفين الزوج والزوجة فيها سعادة فيها حاجات كتير مشتركة أو هي برضه اللي بتسوق لمنطقة فيها عدم رضى
وتابعت منصور ان هناك قلوب قسيت على بعض بسبب إننا مبنتكلمش عن ده بنتكسف نتكلم مبنقدرش نفتح حوار معندناش ثقافة إننا نتكلم في ده مع بعض ده للأسف مش موجود بنا مش موجود خالص حوار بين الأزواج علشان كدة النهاردة هنكسر أبواب الخوف والتوتر والقلق والكسوف ونتكلم في حاجة مقدسة وفي ميثاقغليظ لازم نفهمه كويس ونفهم أهميته زي ما عندنا مشاكل مع عيالنا مشاكل في شغلنا مع رؤسائنا مشاكل ممكن تكون في أي مكان بيبقى برضه عندنا مشاكل في العلاقة الجنسية والحميمة ومبنكلمش فيها طيب ليه لازم نطرح المشكلة علشان نعرف أبعادها إيه ممكن جداً تكون مشكلة صغيرة وممكن نقدر عليها بالحوار ونقرب جداً من بعض كلام كتير مهم وحكايات كتير وراء الأبواب هنبدأ بالأسئلة اللي جاتلنا ومنتظرين تليفونات حضراتكم وأسئلتكم وبالتأكيد هنستعين بأهل الخبرة والعلم
ويشار إلي أن برنامج " ساعة أمل "يسعى فى اطار الاعلام الجاد والهادف الى رصد الظواهر الايجابية فى المجتمع وبخاصةً الاسرة المصرية ، والقاء الضوء عليها ومواجهة السلبيات ولا سيما ظاهرة الطلاق والتى انتشرت فى المجتمع المصرى واصبحت تهدد الاسرة المصرية ، وفى اطار توجه الدولة نحو مواجهة تلك الظواهر الخطيرة والتى تهدد المجتمع المصرى.
يُذاع البرنامج في السادسة مساء الخميس من كل اسبوع على شاشة قناة الحدث اليوم .
