بالفيديو.. أمل منصور الحرية مسئولية وضرورة التواصل مع الشباب وتقبل الاراء المختلفة

قالت الاعلامية د. أمل منصور خبيرة التنمية البشرية اثناء تقديم حلقة اليوم من برنامج " ساعة أمل " على شاشة الحدث اليوم انه في الفترة الاخيرة انتشرت مصطلحات وافكار جديدة كتيرة وغريبة منها المقبول ومنها الغير مقبول وكل ده ظهر تحت مسمي "open minded" يعني (عقل متفتح)، بنسمع المصطلح ده في كتير من المواقف، فهو يعتبر مصطلح العصر، واللي بيعبروا بيه الشباب عن الحرية في الافكار والثقافات والمعتقدات مادامت لا تؤثر بالسلب علي الاخرين .

واضافت منصور في بعض الشباب شايفين انه التجرد من بعض الرواسب القديمة بالعقل الباطن من عادات وتقاليد وانك تفكر بشكل حر، والبعض يفهمها انها رفض كل ما نشات عليه من عادات، وفي الحقيقة هو ملوش معني محدد ولكن هو يعتمد علي وجهات نظر مختلفة ، وهو يعني القدرة علي الاستيعاب والتفاهم مع الاراء المخالفة لانه يؤمن ان الكتير من الامور نسبي وليس بها حق مطلق او باطل مطلق، والحرية اصبحت مطلب الكثير من الشباب ، والاوبن مايندد بيختلف من بيئة لبيئة، علي حسب المجتمع اللي الشخص اتربي فيه .

واشارت منصور الى ان الموضوع فيه تفاصيل كتير ممكن نتفق عليها وممكن نختلف وبيفرق من شخص لاخر وما بين بنت او ولد ومابين جيل وجيل فالانفتاح الحقيقي هو اننا نمتحن كل الاشياء وكل الاراء ونتمسك بكل ما هو جيد ونبتعد عن كل ماهو شر .