عمرو الليثى: فقرات جديدة ببرنامج واحد من الناس فى العام الجديد وكبار النجوم ضيوف بالبرنامج

قال الاعلامى د. عمرو الليثى فى مقدمة برنامج واحد من الناس على شاشة النهار انه باق من الزمن يومان فقط ونستقبل عام جديد ، ووجه التهنئة الى المشاهدين متمنياً اننا نكون دايما عند حسن ظنكم ، وان نكون بنحقق الهدف اللى بدأنا البرنامج من اجله وهو ما جعله مستمربفضل ثقتكم وتشجعيكم اكتر من 10 سنوات

واضاف الليثى كل سنة وجواكم الخير والمحبة والامل ، كل سنة وانتم اقوى بايمانكم باللة ، كل سنة وحياتكم فيها البركة والمحبة ، كل سنة ومصر بتتقدم وبتكبر وبتعلن عن ميلاد دولة عصرية حديثة ومستقبل جميل ومشرق كلنا بنحلم به ، كل سنة واحنا اكثر رقيا وعظمة وتألقا وشموخا وقوة

كل سنة واحنا مكملين مع بعض فى واحد من الناس... بكل الخير اللى بيقدمة والمساعدات اللى بيسعى فيها ...والمبادرات المختلفة اللى بتجوب كل محافظات مصر علشان خاطر اهالينا وناسنا الطيبين ، كل سنة واحنا قادرين نسعدكم ونرسم الابتسامة على شفايفكم وجوة بيوتكم وقلوبكم

واشار الليثى انه مع نهاية سنة 2018 ، نقدم لكم كشف حساب لواحد من الناس ونقدم لكم ابرز واهم واجمل واصعب الفقرات اللى شفناها مع بعض في الفترة اللى فاتت من اول ما ابتدى واحد من الناس يطل عليكم على شاشة قناة النهار ، ورغم انها فترة قصيرة لكنها كانت مزدحمة بالفقرات والحالات الانسانية والاجتماعية والمبادرات بانواعها المختلفة واللقاءات الفنية مع ابرز واجمل النجوم.

وتابع الليثى بنوعدكم بسنة جديدة وفقرات جديدة وتطوير جديد لواحد من الناس علشان نفضل دايما جوة قلوبكم ومشاعركم .. نعبر عن همومكم .. نحل مشاكلكم ..نقدم لكم كل اللى نقدر علية من خدمات صحية واجتماعية وانسانية