عمرو الليثى يطرح مبادرة (اسأل عن اصحابك القدام) ويدعوا الى زيارتهم و وودهم

قال الإعلامى د. عمرو الليثى بمقدمة برنامجه "رمضان الخير" المذاع عبر أثير محطة " نجوم FM " أن رمضان شهر الخير والعطاء والتكافل الاجتماعي اوله رحمه ووسطه مغفرة واخره عتق من النار ..علشان كده ياريت نغتنم الفرصة ونتسابق في عمل الخير وياريت يكون فرصة للتواصل مع القرايب والاصحاب .

و أضاف الليثى ان من اروع مكاسب العمر لما تقف ذاكرتك بمحطات ناس غالين عليك عاشرتهم وعيشت معاهم وتكتشف يوما بعد يوم أنهم كنوز في رصيد حياتك فتأنس بهم وتدعوا الله ان يسعدهم.

و تابع الليثى لو كل واحد فينا رجع لأصدقائه القدام اللي كانوا معاه في بدايه حياته وهو لسه علي أول السلم يمكن يلاقي حد فيهم لم يسعده الحظ أو لم يوفق في حياته قد يكون فقير محتاج ليد العون أو مريض محتاج علاج ، و طرح مبادرة لهذه الحلقة و هى (اسأل عن اصحابك القدام) ، اتصل بيهم أو زورهم او روح افطر معاهم وتتجمعوا زي زمان وتتعاونوا في عمل الخير مع بعض .