تعيشى لى يابلادى
تعيشي لى يا بلادى يا أرضى وأرض إبني وبنتى .وأرض آبائي وأجدادى
تعيشى لى من بعدى وبعدى لأولادى
لو فى يوم يا أمى تنادينى بجد فى ثانية تلاقينى
أمرينى يا غالية ده أمرك على قلبى وعلى عينى
أمرك على رأسي يا أغلى عندى من نفسى
انتى أهلى وانتى ناسي انتى أصحابى دا انتى أساسى
بدمي وبروحى يامصر يا أمى انا افديكى
وده حق من حق بسيط اوى ليكى
انا قلبى يا امى متعلق بيكى
وروحى عاشقة ترابك ورملك
وعاشقة جنونك اللى فيكى
ربى بارك أراضيكى بدخول الأنبياء من زمان فيكى
محمد وموسى ويوسف وإبراهيم وإسماعيل اللى ياما عاشوا فيكى
ويسوع ابن مريم حاميكي وقال عنك مبارك شعبى مصر
يابلادى يامحلاكى يا محلى جوامعك ويا كنايسك.
يامحلى ترابك ورملك
يامحلى بحرك وشمسك
يامحلى جيشك وشعبك
ياحبيبتى أنا جوة فى عينى انا هشيلك
كمان يا عمرى جوة فى قلبى انا هشيلك
تعيشى لى من بعدى وبعدى لأولادى
