عيد لبيب لـ"الاعلاميين": "انزلوا من ابراجكم العالية..انتوا بتورطوا البلد"
أكد رجل الأعمال عيد لبيب، رئيس مجلس إدارة الجمعية التعاونية للبناء والاسكان بمدينة ملوي الجديدة بالمنيا، أن هناك بعض التحفظات على آداء عدد من الاعلاميين، الذين يطلون يوميًا عبر الشاشات على الشعب المصري.
وفى رده على سؤال: كيف ترى وضع الاعلام المصرى ورسالته؟
قال "لبيب": شوف انا عايز اقول علي حاجه بس ممكن تزعل منى اعلاميين كتير وانا بحبهم وانا بنتقد موقف معين للاعلام، فالاعلام من واجبه ان يقود الامة برؤية مستقبلية حقيقية ويعطى أمل للشباب، ولكن الاعلام يضلل الرأي العام، وفيه إعلام سئ ولايرقي لمستوى الشارع ويضلل الشارع.
وأضاف: "المشكلة الأكبر ان الاعلاميين نفسهم مش فاهمين.. يعنى علي سبيل المثال الشاب بتاع التوك توك خرج وتكلم من وجدانه، وقال شعب لو اديته تعليم وصحة وزراعة وصناعة محدش حيقدر عليه وهو ليس صوته لوحده بل صوت الشباب جميعًا، وهذا رجل وطنى يحب وطنه خرج علينا الاعلام وقال ده اخوان، ومقالوش ان الشباب كلها عندها نفس الحماسة ونفسها تبني بلدها مقالوش ان كل واحد مننا نفسه يشوف بلده حلوه، ومقالوش ان الرئيس قال لحظة تولية الحكم ان مصر حتبقى قد الدنيا".
وتابع: "احنا شغالين فى ملوى الجديدة والشباب عارفة ان الرئيس بيدعم المشروع عشان الشباب يكونوا رجال أعمال، وبقالنا اكثر من سنة شغالين فى المشروع، وبدل مايسلطوا الضوء علي المشروع ومصر كلها عارفة، خرج كاتب من جريدة الموجز، وقال ده رجل أعمال وبيجمع فلوس من الناس، ولكن سلطوا الضوء على بتاع التوك توك الذى قال ان بشوف مصر بالليل فينا وبالنهار بلاقيها زى الصومال.
وطالب عيد لبيب، الاعلاميين بأن ينزلوا من ابراجهم العالية، قائلا: "هذا انتقاد للاعلام اللي بيعيش فى ابراح عالية، فأنا بتمنى من الاعلاميين أن ينزلوا من ابراجهم العالية، وكما طلب سواق التوك توك حنبني مصر بشبابها وبرجالتها، مضيفًا: "خلوا بالكو أن الرئيس عايز نهضة شاملة، ومصر هتقوم رغم كل التحديات التى تواجهنا، والقادم افضل واللى جاي أحسن، فتحية للقائد الذى يقود بلاده فى أصعب مراحلها، متابعًا: "تأكد ياريس ان صعايدة مصر كلهم معاك".
واختتم: "ادعوا لمصر ان يحفظها الله.. تحيا مصر.. تحيا مصر.. تحيا مصر".
