بالفيديو.. أبرز المقاطع الساخرة لـ"مبروك عطية".. متصلة للشيخ: "عايزة أجوز القط بتاعي".. فتاة:""حبيبي عاوزنى أهرب معاه".. سيدة: "ضربت جوز بنتى وسرقت العفش".. ويرد "هتولعى فى النار"

مثلما عُرف الدكتور مبروك عطية بـ"الوردة والنضارة"، عُرف أيضًا بالشيخ "خفيف الظل" بسبب انفعالاته الساخره التلقائية التى تظهر للمشاهدين فى اطار كوميدي، من خلال ردوده على المتصلين فى حلقات برنامجه الشهير "الموعظة الحسنة"، ومن ثم اشتهر بطريقتة الساخرة فى الفتوي.

ويرصد "العربية نيوز" أبرز لقطات الشيخ مبروك عطية الساخرة:


"عطية والقط" 
سخر الدكتور مبروك عطية، من إحدي المتصلات حينما قالت:"أنا عندى قط عايز يتجوز وأنا مش قادرة أجبله قطة"، ورد "عطية" ساخرًا،:"نجبله عروسة ونخطبله كمان"، متسائلًا:"أنتى متأكدة أنه قط مش قطة؟"، وتابع:"لو مشلتيش القط ده ورمتيه برا الشقه ربنا هيدخلك النار، وأى فلوس بتصفيها عليه اصرفيها على عيالك أو على حد محتاج".



"ضربت زوج بنتى وسرقت العفش"
أثارت متصلة دهشة الدكتور مبروك عطية، بعد أن حكت له أنها سرقت أثاث ابنتها من منزل زوجها، وجمعت عددًا من الرجال لضربه، وجلب شهود زور للشهادة ضده في المحكمة، وحرمانه من رؤية أولاده، متسائلة:"هل ما فعلته حرام؟". 

رد عليها مبروك عطية قائلًا:"هو فاضل إيه تاني معملتيهوش؟"، مضيفًا: "يحرق الجواز على اللي بيتجوزوه لو كان بالطريقة دي، هتولعي انتي واللي جابوكي بسبب اللي عملتوه ده"، معلقًا:"يحرق الجواز وسنينه".



"الرجل عايزالها شهر عشان تتنضف بليفة ناعمة"
شكت إحدي المتصلات للدكتور مبروك عطية، قائلة:"عندى 27 سنة واتجوزت من شهر وجوزى سافر السعودية ومش عايز يرد عليا تانى"، وتسائل "عطية"،:"جوزك شاف منك إيه يابت فى الشهر ده وطفش منك؟"، لتجيب المتصلة:"ده كان بيبوس إيدى ورجلى"، ورد مبروك عطية، ساخرًا،:"بلاش الرجل دى عايزالها شهر عشان تتنضف بليفة ناعمة".



"قصة عبود"
رد الشيخ مبروك عطية، على أحد المتصلين، جاء يشكو له من آخر يدعو دائمًا المرض، قائلًا:"فى مثل مشهور من حوالى 2000 سنه وشوية يرجع لشخص اسمه "عبود".

وحكى قصة عبود بشكلًا ساخرًا:"عبود ده كان حطاب راح لم الحطب فى ليلة سوده ورجع وكانت صحته زى الحصان وخطر بباله فكرة قذرة، أنه يقول لمراته عايز أعرف يا بسنت لما أموت هتعملى عليا إيه"، ومن ثم تمدد "عبود" بجسمه حتى يظهر أنه فقد الحياة حتى يرى رد فعل بسنت.

وأخذ "عطية" فى النواح مؤدى دور بسنت زوجة "عبود"، قائلًا:"ياعبووووووود ياسابق بالخير الباروووووود، ياكل الناس قاسية وأنت الوادووووووود، يالهوووووووووووى"، وتابع:"عبود عمل ميت مقامش عبود لحد يوم القيامة".

"حبيبي عايزنى أهرب معاه"
اعرب الدكتور مبروك عطية، عن سخريته من متصله تسأله عن حكم الشرع فى الهروب مع عشيقها، قائلة،"حبيبي بيقولى لو عايزانى تعالى نكتب الكتاب أنا وانتى بس"، وتسائل "عطية"، "يعنى هو عايزك تسيبي ابوكى اللى رباكى وأمك اللى عاشت طول عمرها تحمر وتعمل فى سنوتشات وياما غسلتلك، وتروحوا تغنوا فى الجنينة"، وتابع:"الله يحرقه، والله ما يجى ولا يوعى يجي".