شاهد.. إنجي المقدم تنعي والدها على "إنستجرام"
تستعد الفنانة إنجي المقدم ذكرياتها مع والدها فى سنويته الثامنة عشرة، وذلك عبر صفحتها الشخصية على موقع الصور والفيديوهات الشهير "إنستجرام".
كما نشرت "إنجي" صورة تجمعه بوالدها وعلقت عليها قائلة "النهاردة سنوية أبويا التمنتاشر الراجل الطيب الكريم اللذيذ أبو دم خفيف المحب للحياة أكتر واحد شفته بيحب الدنيا والضحك ويحب يعيش ويتبسط ويبسط كل اللى حواليه كان حنين وعامل زى الأطفال حتى فى زعله وعصبيته كل الناس كانت بتحبه كبار وصغيرين وكل اللى يعرفوه ليهم معاه ذكرى حلوة الله، يرحمك يا أبويا وحشتني أوي كان نفسى تشوف ولادي، كنت هتكون الذ جد فى الدنيا كلها بس أنا عارفة إنك مبسوط وبتضحك زى عوايدك وعايشها هناك بالطول والعرض يا رودى.. امانة عليكم اقرأوا الفاتحة على روحه فى الأيام المفترجة دى".
