ميار الببلاوي ترد على منتقدي ارتدائها فستان الزفاف للمرة الرابعة
شاركت الفنانة ميار الببلاوي، جمهورها عبر صفحتها الشخصية على موقع التواصل الاجتماعي "فيس بوك" صورًا من حفل زفافها مع زوجها، ما أدى لتعرضها لهجوم شديد بسبب ارتدائها لفستان الزفاف للمرة الرابعة رغم أن لديها ولد يدعى محمد ولا يتجاوز عمره 16 عامًا.
وردت "ميار" على هجوم جمهور قائلة: "النهارده ولله الحمد جتلى حسنات كتير أوي من الناس اللى مش عاجبها فكره إني لبست فستان زفاف وإني عملت فرح واني اتجوزت واتطلقت والكلام ده، قعدت أضحك عليه".
وتابعت: "أولا فكرة الفستان والزفة دي من وائل رغم اعتراضي الشديد إلا إنه قالي نفسي أفرح وأفرحك وأفرح كل اللى بيحبونا، ثانيا إنى اتجوزت واتطلقت قبل كده ربنا وحده عالم إنى كنت أكتر إنسانة متمنية الستر وبتكره الطلاق ورغم إني نسيت كل اللي فات بحلوه ومره بس اللى يلوم عليا إن شاء الله يجربها ويجرب وجعها عمومًا أنا كفايه عليا حب اللى بيحبوني وربنا يخليكم وشكرا على التهنئة وادعولى ربنا ميشمتش حد فيا وأعيش زي أي بني آدمة".
