أمير طعيمة معلقًا على أحداث المنيا: "استوصوا بالأقباط خيرًا"
أعرب الشاعر الغنائي أمير طعيمة عن استيائه تجاه ما يحدث مع أقباط محافظة المنيا قائلا على حسابه بـ"فيس بوك": "و لو أني ما بحبش استخدم لفظ أقلية مع أقباط مصر لأن عددهم مش قليل بس لغويا هو لفظ صحيح، عموما التاريخ والحاضر بيقول أن أكثر أقلية وطنية على وش الأرض هم أقباط مصر، رغم كل ما عانوه في مختلف العصور ألا إنهم كانوا دائما سببًا أساسيًا للترابط اللي موجود في مصر، بس مش معني كده إننا نفضل نضغط ونكبر دماغنا".
وأضاف طعيمة قائلا: "مفيش حاجة اسمها جلسات عرفية، فيه قانون لازم يتطبق على الجميع ولازم نحارب الجهلاء لحد ما يفهموا أنهم أساس البلد دي ومش ضيوف عليها، لازم نفعل القوانين اللي بتكفل ليهم حرية العقيدة وحرية بناء دور عبادة تتناسب مع أعدادهم.
في القران: لتجدن أشد الناس عداوة للذين آمنوا اليهود والذين أشركوا ولتجدن أقربهم مودة للذين آمنوا الذين قالوا إنا نصارى ذلك بأن منهم قسيسين ورهبانا وأنهم لا يستكبرون".
والنبي عليه الصلاة والسلام بيقول: إذا فتحتم مصر فاستوصوا بالقبط خيرًا فإن لهم ذمة ورحمة.
وأضاف: "العقل بيقول إن ما دام ربنا ادى للإنسان حرية اختيار عقيدته يبقي إنت كبشر ما تنصبش نفسك إله وما تتدخلش في اللي ملكش فيه.
وأنهى أمير كلامه بالدعاء لمصر قائلا: "ربنا يحمي مصر بولادها ويهدي الناس اللي مش فاهمين لا دنيا ولا دين".
