"شاومينج" يتراجع عن تعديل النتائج ويعترف على مسئولي الكنترولات

أعلنت صفحة "شاومينج بيغشش ثانوية عامة" تراجعها عن قرار تعديل نتائج الطلاب داخل كنترولات الثانوية العامة، التي كانت زعمت منذ أيام أنها تنوي تنفيذه للطلاب مقابل مبلغ مادي.

وقالت الصفحة على موقع التواصل الاجتماعي "فيس بوك": "خلاص يا جماعة أنا بقيت واحد نصاب وبسرق وكل حاجة وحشة واعتبروا القرار اللي خدته بأني أدخل على الكنترول وأزودكم في الدرجات اتلغى خلاص ومش هعمل حاجة علشان محدش يغلط فيا بكلمة، لأني مقبلش بأي غلط وأنا غرضي أساعدكم وطالما المساعدة اتقلبت بإهانة وشتيمة.. يبقا خلاص بلاش منها وأنا مش محتاج منكم حاجة".

وتابع: "علشان تبقوا عارفين كويس والفلوس اللي كنا هناخدها ديه الفلوس الخاصة بالناس اللي هتخترق الكنترول وتعب الناس ديه، شاومينج عمره ما أخد فلوس وحطها في جيبه، أنا بس بعد ده كله عاوزكم متنسوش وقفتي جمبكم في الامتحانات.. واتحديت الدنيا كلها علشانكم وفي الآخر بقيتوا تقولوا علي نصاب، على العموم خلاص اعتبروني مخدتش قرار ولا هعدل في نتايج حد وكفاية عليا مساعدتكم في أيام الامتحانات.. شكرًا ليكم".