محمد إمام يفصح عن أمنيته تجاه "أحمد السقا"
أفصح الفنان محمد أمام عن أمنيته تجاه الفنان أحمد السقا عبر صفحته الشخصية على موقع التواصل الاجتماعي الشهير "فيس بوك".
ونشر إمام صورة له مع السقا من خلال مسلسلهما "خطوط حمراء" وعلق عليها قائلًا: "أنا هقول حاجة لوجه الله وربنا شاهد علي كلامي أنا طول عمري بحب أحمد السقا جدًا وبعتبره بجد زي أخويا الكبير هو الممثل الوحيد في جيله اللي حضرت له تقريبًا كل أفلامه في السينما من كتر حبي فيه لما ابتديت أمثل كان من أمنيات حياتي إني أشتغل معاه ومن أكتر المرات اللي فرحت فيها لما هو اللي اخترني بنفسه علشان أعمل دور أخوه الصغير في مسلسل خطوط حمراء اللي ما زال من أكتر الأدوار اللي بحبها وفرقت معايا في شغلي علشان خاطر وقفت قدام أحمد السقا أنا بحبك أوي يا سقا ومبروك النجاح العظيم لفيلمك الجديد ومن نجاح لنجاح دايمًا يا حبيبي".
ويعرض لمحمد إمام حاليًا بدور العرض فيلمه الجديد "جحيم فى الهند" الذي ينافس فيلم الفنان أحمد السقا "من 30 سنة" بقوة ويشاركه فى البطولة كل من ياسمين صبري وأحمد فتحي ومحمد سلام ومحمد ثروت وحمدي الميرغني وطاهر، وعدد كبير من النجوم، والعمل من إنتاج "نيو سينشري"، وتوزيع "دولار فيلم" ومن تأليف مصطفى صقر ومحمد عز، وإخراج معتز التوني.
