"عرابي" يهاجم منتقدي عصام سراج في الأهلي
علق هيثم عرابي، مدير التعاقدات السابق بالنادي الأهلي، علي الانتقادات الموجهه لعصام سراج، مدير التعاقدات الحالي بالقلعة الحمراء من قبل جماهير الأهلي، بسبب ضعف مستواه في عقد صفقات جديدة في الفترة الماضية.
وقال "عرابي" عبر صفحته الشخصية بموقع التواصل الاجتماعي "فيس بوك": "عارف أنه في جو المؤامرات والكره اللى حوالينا اللي بقي فى كل مكان والطاقه السلبية المحيطه، ممكن ناس كتيره ماتصدقش الكلام اللي هكتبه دا ولكني مقتنع بيه جدا".
وأضاف: "شايف هجوم على الدكتور عصام سراج الدين مدير التعاقدات الحالي بالنادي الأهلى، أرجو أن يكون في شوية صبر يا شباب، أنا اشتغلت وعارف أن أحيانا مابيكنش بإيدك واحيانا لازم تستني القرار من عند المدرب ورئيس النادى او لو في لجنة الكرة وأحيانا تانيه انت دورك بتعرض ومش كل اللي هتعرضه هيتوافق عليها ومش كل حاجة الجمهور عايزها هيكون في موافقة عليها من لجنة الكرة أو المدرب".
وتابع عرابي:" طبعا أنا معرفش اي معلومات لأني بعيد تماما بس شايف هجوم ولاقيت من الأمانة أن أنا أتكلم لسببين، "السبب الأول" إني أهلاوي قبل اي شئ ولازم اي حد فالنادي ياخد فرصه كامله ماتهاجموش من قبل مالراجل يشتغل، و"السبب التاني" لاني كنت في نفس المكان وكنت محتاج شوية صبر من الناس عليا علشان أقدر أقدم وأعمل حاجة للنادي".
واختتم كلامه قائلًا: "وإن شاء الله يكون عند حسن ظنكم كأهلاوية وإن شاء الله يكون موسم صفقات موفق للنادي الأهلي ومازلت مقتنعًا أن اسم الأهلى لوحده كفيل بكل شيء مع شويه تخصص واجتهاد ومساحة أنك تشتغل وربنا يوفقهم إن شاء الله".
