زوج ليليان داود السابق يكشف تفاصيل القبض عليها
كشف الزميل خالد البري، زوج الإعلامية ليليان داود السابق، كواليس القبض عليها اليوم من منزلها وترحيلها إلى بلدها لبنان.
وكتب "البري" على صفحته الشخصية على موقع التواصل الاجتماعي "فيس بوك" قائلًا: من نحو ساعة ونص شرطة الجوازات، رحلت المذيعة ليليان داود، ليليان مضت النهاردة على إنهاء التعاقد مع أون تي في، واللي كانت بموجبه حاصلة على الإقامة، بعدها بنص ساعة بالظبط، جم على بيتها".
وتابع "البري": "طبعا ليليان من حقها الإقامة قانونًا، لأنها زوجتي السابقة، يعني كانت متزوجة مصري لمدة 6 سنوات، وعندها بنت مصرية".
وأضاف "البري": "إدوها بالظبط خمس دقايق ورفضوا أنها تاخد معاها غير محفظتها وكمان رفضوا يخلونا نتصل بمحاميها وبالسفارة بتاعتها".
واختتم: "بالصدفة النهارده عيد ميلادي فكنت معدي آخد بنتي نفطر سوا، وحصل الموضوع كله قدامي البنت طبعًا مرعوبة إنما هي دلوقتي كويسة وموجودة معايا".
