بالفيديو.. عمرو أديب: فوز الزمالك بالدوري صدفة تاريخية لن تتكرر
سخر الإعلامي عمرو أديب من خسارة الزمالك لبطولة الدوري الممتاز والتي توج بها منافسه النادي الأهلي بها هذا الموسم.
وقال أديب ساخرًا "لسه الزمالك عنده أمل للفوز بالدوري، وهتحدث حرب واتحاد الكرة هيضرب بالصواريخ وهيلغوا الدوري والأهلي مش هياخد الدوري".
وأضاف قائلًا: "ألف مبروك للنادي الأهلي، ناس محترمة، وإدارة جيدة، منذ تولي عبدالعزيز عبدالشافي الفريق ومن بعده الهولندي مارتن يول، ناس بتحب النادي بتاعها، ومنظمة وبتفهم في الكورة وناس بتشوف قدام، وناس مستقرة، والأهلي نصف فريق وبيكسب".
وتابع عمرو أديب "أن إدارة الزمالك تسببت في ضياع الدوري منذ بداية الموسم، وأنا تأكدت أن حصول الزمالك الموسم الماضي صدفة تاريخية لن تكرر".
وأكمل أديب "أنا قولت قبل كدا أن الزمالك هياخد الدوري عشرة سنين ولكن دي كانت هلاوس وكنت غلطان والزمالك مش هيشوف الدوري دا تاني".
واختتم حديثه قائلًا: "ياريت الإدارة تخلي محمد حلمي يكمل مع النادي والواحد نفسه اتكسرت بعد فوز الأهلي بالدوري بس مبروك للنادي الأهلي وبقول للزمالك هو قدرك في ناس ليها حظ وناس ليها ترتر وناس ليها المركز الأول وناس ليها المركز الثاني في ناس ليها الدرع وناس ليها الحلة".
