بالفيديو ... السيسي في إفطار الأسرة المصرية: حالة الاستقرار والأمن تعود تدريجيًا

أكد الرئيس عبد الفتاح السيسي، أنه بحلول اليوم، فقد مر عامان من مدة رئاسته الأولى، مضيفًا: "خلال الفترة اللى فاتت حاولنا أن نقدم ما تم إنجازه لكم من خلال افتتاح بعض المشاريع، وهذه إنجازات المصريين مش حد تاني.. اللي عمل ده كله إحنا مش أى حد تاني، واللي تحقق كثيرًا جدًا في عمر السنتين وفيه حاجات لسه، وفيه حاجات مش هتتقال خالص".

حضر الرئيس عبد الفتاح السيسي، الإفطار الأول لـ"الأسرة المصرية"، فى شهر رمضان المبارك، والذى عقد بأحد فنادق القاهرة.

وأوضح الرئيس السيسي أن ما تم إنجازه "جيد"، مضيفًا: "محتاجين عمل أكثر وإخلاص أكبر وصبر أكبر".

وأشار إلى أن حالة الاستقرار والأمن التى تحققت خلال العامين، قائلا: "كل يوم بنتقدم فى هذا الملف، مش بس أنشطة إرهابية ممكن تقابلنا، حالة الاستقرار والأمن بتعود شوية بشوية وتماسك الدولة بمؤسساتها يعود كل يوم أفضل من اللى فات.. وحالة الانضباط والتماسك بنحاول إنها تزيد وتثبت وتستقر أكثر".