ألتراس أهلاوي يحدد استاد القاهرة لإقامة مباراة "أسيك"
طالب أعضاء ألتراس أهلاوي، بإقامة مباراة فريق الأهلي أمام أسيك أبيدجان بدوري المجموعات لبطولة دوري أبطال أفريقيا على ملعب استاد القاهرة.
ونشرت الصفحة الرسمية لشباب الأولتراس على موقع التواصل الاجتماعي "فيس بوك" بيانا، جاء فيه: "مباراة مصر ورواندا للشباب اتلعبت على استاد القاهرة بعدما كان مقفولا لشهور ممكن تعدي السنة كمان، طول الوقت اللي كان مقفولا فيه كان بيتقال أنه مش جاهز لاستقبال المباريات والحمد لله معنى كده أنه بقى جاهز".
وأضاف البيان "مباراة الأهلي وأسيك هتكون في نهاية الشهر ده وهتكون في رمضان، جمهور الأهلي ممكن يسافر ورا فريقه آخر الدنيا تحت أي ظروف، لكن مافيش أي سبب أن جمهور الأهلي اللي غالبيته هيكون من القاهرة ومحافظات تانية أنه يسافر في الصيام لبرج العرب ويفطر عند الاستاد والمباراة هتنتهي الساعة 12 بالليل ويكون سحوره في الطريق وكل ده في وجود استاد القاهرة فاضي ومفيش مشكلة للعب عليه، لو بنتكلم على تخطيط وتنظيم وعودة الجماهير للمدرجات لازم يكون في تفكير صح واحترام للمشجع ومعاملته معاملة آدمية، الأهلي ملعبه استاد القاهرة مش برج العرب، والأهلي بيلعب باسم مصر زي المنتخب، نتمنى أن الأهلي يتعامل نفس المعاملة".
يذكر أن منتخب الشباب حقق فوزًا ثمينًا على نظيره الرواندي بركلات الترجيح 3-2 في المباراة التي أقيمت أمس الجمعة على استاد القاهرة.
