التهريج المنظم
بدأت امتحانات آخر العام، وكل عام وأنتم بألف خير، بإعلان لجان الإدارة والكنترولات، ومن يضع الأسئلة، وكلهم مجموعة من الأشخاص والحبايب.
بدأت لجان الإدارة ببيانات المدرسين، ليتم التوزيع في أنحاء المعمورة، ليذهب ابن قاهرة المعز إلى السويس بلد الأبطال "مدد يا سيدي الغريب". وأبناء السويس إلى حلوان "مدد يا سيدي المترو"، وابن الجيزه للفيوم "مدد يا سيدي السبع سواقي"، وأبناء الفيوم إلى إمبابة "مدد يا سيدي إسماعيل الإمبابي". وذلك للحفاظ على لجان الامتحان، قمة الدقة والإتقان والإبداع والابتكار، مدد... مدد.
وبدأت لجان الكنترول في إعداد أرقام الجلوس حاجة كده تعجبك، وتفرحك باسمها لجنة النظام، مدد مدد.
وبدأ الجميع في التمثيل والتهريج المنظم. أتحداك أن تثبت عكس ذلك حاجة حلوة قوووووي.
وبدأت الامتحانات تحت شعار "التعاون بين مكتبة أبو عبدالله التي تباع بها ملازم الامتحان والطالب الشاطر يشتري واحدة من مكتبة أحمد. اجتهاد. عشان لو رئيس اللجنة خد واحدة يبقا معانا التانية. ويتم النقل منها بنفس الأرقام والحروف وتعبئة الورقة من أولها لا آخرها.
أهم حاجة الورقة مليانة وتقيلة. والنوايا الصادقة جوه الورقة.
وتأتي السيارة في حراسة الشرطة لاستلام أوراق الإجابة داخل مظاريف، أهم حاجة ما فيش ورقة ضايعة وتتكرر الأيام الجميلة كل واحد في زيارته الترفيهية.
وتبدأ لجنة النظام بوضع رقم سري لزوم الشغل، وحاجة كده كلها سرية للغاية في سري للغاية. ويبدأ المعلمون في التصحيح بنفس الهمة والنشاط المنظم. الورقة فيها لونان أحمر وأزرق أحمر، لوضع الدرجة وأزرق للمراجعة. الواد مالي الورقة ونيته خير وسليمة. والناس غلابة خليهم يفرحوا. إديله درجة حلوة عشان أبوه وأمه.. العيشة صعبة.
إيه ده الواد حل بس الأرقام غلط، إديله درجة هوا اتلخبط بس الورقة مليانة.
النسبة طالعه أقل من السنة اللي فاتت ياه هو احنا بتقدم ولا بنتأخر، افتح إيدك شويه ونجح العيال خلي الناس تفرح وتدعيلكو.
النتيجة بعد أسبوعين. اطبع الشهادات واللي جابو ملاحق نبقا نظبطهم في الملاحق دول اللي غابو ومارحوش الامتحان. مبرووووووووك الدبلوووووون.
وتأتي السيارة في حراسة الشرطة لاستلام أوراق الإجابة داخل مظاريف، أهم حاجة ما فيش ورقة ضايعة وتتكرر الأيام الجميلة كل واحد في زيارته الترفيهية.
وتبدأ لجنة النظام بوضع رقم سري لزوم الشغل، وحاجة كده كلها سرية للغاية في سري للغاية. ويبدأ المعلمون في التصحيح بنفس الهمة والنشاط المنظم. الورقة فيها لونان أحمر وأزرق أحمر، لوضع الدرجة وأزرق للمراجعة. الواد مالي الورقة ونيته خير وسليمة. والناس غلابة خليهم يفرحوا. إديله درجة حلوة عشان أبوه وأمه.. العيشة صعبة.
إيه ده الواد حل بس الأرقام غلط، إديله درجة هوا اتلخبط بس الورقة مليانة.
النسبة طالعه أقل من السنة اللي فاتت ياه هو احنا بتقدم ولا بنتأخر، افتح إيدك شويه ونجح العيال خلي الناس تفرح وتدعيلكو.
النتيجة بعد أسبوعين. اطبع الشهادات واللي جابو ملاحق نبقا نظبطهم في الملاحق دول اللي غابو ومارحوش الامتحان. مبرووووووووك الدبلوووووون.
