تعالا خد دبلووووون
تعالا أشرب شاي.. بس الشاي هاياخد وفت خد دبلووووون أسهل وأريح، ويبقى معاك شهادة، وإذا كنت شغال تروح للمدير بتاعك وتتحول من معاون خدمة إلى مستوظف أد الدنيا ويبقا ليك درج ومكتب، أو مكتب ودرج، وإذا كنت مش شغال يبقى معاك مؤهل تعرف تتجوز بيه وتترشح في المجلس أو المحليات.
الموضوع بسيط قوووووي. ها تروح المدرسه تلاقي نظام هناك اسمه عمال ها تقابل المقاول قصدي المدرس. أديله الورق وادفع المصاريف بس أنت ابن ناس ابقى سيب باقي الخمسيمة واعرف اسمه وخد تليفونه وأدلة تليفونك.
قبل امتحانات نص السنة ها يتصل بيك اديله خمسمية للمقاول قصدي المدرس. وخش الامتحان، أهم حاجة النية، روح كل يوم أوعى تغيب.
هايدوك ورق انقل ده من ده واشرب سجاير وكل حاجة تسعدك.
وبعد خمسة أيام هايتصل بيك المقاول ويفرحك ويقولك أنت نجحت.
وفي شهر خمسة اتصل به وزي ما عملت المرة اللي فاتت هاتعمل المره دي، وهاتسمع تليفون تاني مبرووووووووك أنت نجحت ورايح سنة تانية.
والسنة اللي جاية نفس الشغلانة بس خد بالك الراجل اللي بيخدمك ده فتح مخك معاه أي حاجة تفرفش تبسط وهاتسمع تليفونين واحد في الشتا وواحد في الصيف، وربنا يجعله عامر.
الأيام بتجري بسرعة، أنت السنة دي في الدبلوون، ما فيش غير امتحان واحد وها تيجي لجنة من بره. بس إحنا ها نظبطك.
الأيام بتجري بسرعة، أنت السنة دي في الدبلوون، ما فيش غير امتحان واحد وها تيجي لجنة من بره. بس إحنا ها نظبطك.
بس كل يوم عدي على مكتبة أبو عبدالله، ها تشتري ملزمة تنقلها في ورقة الإجابة بالحب مع الملاحظين، والدنيا هاتبقى تمام التمام. أهم حاجة ما تسبش ورقة الإجابة فاضية، واوعى تغيب، وهما عارفين إن أنتو عيال غلابة والكل ها يبقى واقف معاكو، أهم حاجة الحب ما تعملوش قلق والدنيا فل الفل.
ألووووو النتيجة ع النت. مبرووووووووك بقا معاك دبلووووون. ....أنت ابن حلال. هاتعمل إيه بالدبلوون. ...هاترشح لمجلس الشعب أنا مابسبش أي فرح ولاعزا.. في المنطقة. وهروح ع الشغل الصبح واخد أحسن مكتب ودرج، أنت راجل جدع على فكره اسمه دبلوم. لو حد سألك.
