شاهد.. أول تعليق لرانيا محمود ياسين بعد هجوم الصحافة الإيطالية عليها

كشفت الإعلامية رانيا محمود ياسين، عن بعض المكالمات التي هاتفتها من صحف إيطالية، للتوضيح بشأن تصريحاتها الأخيرة عن أزمة "ريجيني".

وقالت "ياسين" من خلال صفحتها الرسمية على موقع التواصل الاجتماعي "فيس بوك": "كلمتني الصحافة الإيطالية النهاردة ورديت عليهم، وقلت إن الضغط على مصر في الفترة الأخيرة خاصة من الإعلام الغربي والاستباق للتحقيقات المصرية، وكأن لا يوجد أحد قتل من قبله، هو السبب إننا بدأنا نفقد التعاطف معاه بعد ما كنا متعاطفين معاه".

وأضافت: "الإعلام الإيطالي فاكر إن بيملي عليه ما أقوله، لا طبعًا وأنا رديت عليهم بس أنا برد على المصريين دلوقتي أنا بقول اللي يمليه علي ضميري، انا مع بلدي وجيشي وشرطتي".

وتابعت: "ما فيش حد بطبله ولا بيطلب مني أطبل لحد أنا بعبر عن قناعاتي ومشاعري تجاه بلدي اللي بتتعرض للمؤامرة، وإن الشاب ده جثته ظهرت على قارعة الطريق على الصحراوي، يوم ما الوفد الإيطالي كان بيزور مصر".

واستطردت: "للأسف الناس سابت كل اللي بيحصل ده وقلشت على كلمتي اللي قلتها بالبلدي بتاعنا ولا أقصد بيها go 2 hell".

واختتمت رانيا ياسين قائلة: "الله يرحم الشاب ريجيني ويرحم أي إنسان يموت لكن عمري ما هسمح أن حد يقول الله يرحمك يا مصر افهموا بقى".