عمرو محمود ياسين لمقاطعي "هيبتا": "متدخلوش السياسة في الفن"
ئئأعرب الفنان عمرو محمود ياسين عن استيائه من الأشخاص الذين يهاجمون البعض بسبب انتمائتهم السياسية، وبالتالي دعوا إلى مقاطعة فيلم "هيبتا".
وعلق ياسين عبر صفحته الرسمية على موقع التواصل الاجتماعي "فيس بوك": "بقالي كذا يوم أسمع أن فيلم هيبتا حلو، وبالتالي عايز أشوفه، والنهاردة صحيت على حملة ضد الفيلم ليه ما عرفش".
وقال: "أولًا بيقولوا إن عمرو واكد وأحمد مالك أبطال الفيلم، واكد مش في الفيلم أصلًا، بس حتى لو!! هو في إيه؟! عمرو واكد ماله يعني؟ رأيه السياسي مش عاجبك، طيب وإيه المشكلة، في النهاية هو بني آدم له فكره وتوجهاته، إذا كان هو أو مالك".
وأصاف: "يا جماعة صدقوني بلاش كده، بلاش نفضل نغذي في فكرة تخويف الناس، وكمان هتدخلوا السياسة في الفن ليه؟! يعني راجل فنان له رأي سياسي وراح عمل فيلم رومانسي مثلًا! إيه بقى اللي يمنعني إني أروح اتفرج؟! ولا الغرض هو محاصرة كل إنسان صاحب رأي مخالف عشان أجبره أنه يتكلم زيي أو يسكت خالص؟!".
واختتم: "فيلم هيبتا كنت عايز أشوفه، بعد الحملة دي، قررت أروحه في أقرب فرصة ودون إبطاء".
