بالفيديو.. محمود ياسين يُطمئن جمهوره وينفي "شائعة" وفاته

نفى الفنان محمود ياسين ما تردد على بعض المواقع الإخبارية وصفحات مواقع التواصل الاجتماعي عن "شائعة" وفاته.

ونشر نجله عمر محمود ياسين، من خلال صفحته الرسمية على موقع التواصل الاجتماعي "فيس بوك" مقطع فيديو للفنان محمود ياسين، يرد به على كل ما أثير حولة مؤخرًا من "شائعة" وفاته.

وعلق "عمر" على مقطع الفيديو قائلاً: "النهاردة أطلعت الوالد على تعليقات الناس المحترمة اللي انزعجت بالإشاعات اللي كانت موجودة اليومين دول وهو اللي أصر يشكر الناس بنفسه.. ربنا يديله الصحة يا رب.. بشكر كل الناس اللي كلمتنا وراسلتنا للسؤال على الأستاذ محمود ياسين".

فيما علق محمود ياسين خلال المقطع، علي شائعات وفاته، قائلاً: "بيسعدني جدًا أنا أعرف أن الناس مشغولة بيه وبتفكر فيه وبتتمنالي الصحة والسعادة مفيش أجمل من كده، لان الفنان هو بيعيش وعمره بيطول بالأماني الطيبة والأمنيات الحلوة اللي جاية من قلب الناس اللي بتحبه وبتقدره وبتتمنالوا الصحة والسعادة".

وأنهى ياسين تعليقه قائلًا: "شكرًا لكل الناس الطيبين على كل اللي بيبذلوه من جهد ومن محبة لان هي ده غذاء الروح لكل فنان شكرًا محمود". ياسين".