سوسن بدر: "فضلت الفن على الحب.. وحابة شعري أبيض"

قالت الفنانة سوسن بدر إن كل شئ في الدنيا له ثمن، وكل حاجة نصيب ومكتوبة عند ربنا، وبسبب شغلى منكش متوفر ليا أنى أعمل بيت مستقر وعيلة وحياة زى أي ست في أي مهنة تانية.

وأضافت سوسن بدر خلال حلوله ضيفة ببرنامج "الستات مايعرفوش يكدبوا" المذاع على قناة سى بى سى: "كنت بحب شغلى بدرجة كبيرة، والتوازن ده يحتاج لطرف تانى مستوعب، وفضلت الفن على حساب حبى، لأنى مكنتش لاقية الطرف التانى اللى يكون متفهم طبيعة عملى".

وتابعت سوسن بدر :"انا حابة شعرى وهو ابيض واللى بيحبنى بيحبنى لشخصى مش لشكلى، وحبيت نفسى من عشرين سنة حتى اليوم وراضية عنه".

وقالت سوسن بدر طول الوقت بقول تسلمى يا شدة، والجمهور العادى متخيل إن الفنان مش بنى آدم، وفى حتة تانية وحاجة مختلفة، لكن في النهاية احنا بنى آدمين، بنمر بلحظات وجع وفقد بالموت والخيانة وساعات فلس، أو العمل وانا مجبرة.

وأشارت سوسن  إن مسلسل "ونحب تاني ليه" عمل جيد للغاية، ويمكن مشاهدته أكثر من مرة لكون أحداثه واقعية ومثيرة للاهتمام، مشيرة إلى أن دورها في المسلسل كان مختلفًا عن أدوارها السابقة، حيث لعبت شخصية أم لديها "ترومة" من الرجال، وتنقل هذه الفكرة باستمرار إلى ابنتها.

وأكدت  سوسن بدر أن شخصية "حكمت" التي جسدتها في مسلسل "ونحب تاني ليه" لم تكن مستوحاة من نموذج واحد، بل كانت مزيجًا من شخصيات مختلفة قابلتها في حياتها. وأوضحت أن بناء الشخصية تطلب تجميع ملامح متعددة ثم رسم إطار عام لها من حيث طريقة الكلام والتصرفات.