السيسي يرد علي هدم المساجد والكنائس

قال الرئيس عبد الفتاح السيسي، رئيس الجمهورية، إن بناء الدول وإصلاحها ليس بالأمر السهل واليسير.

وأضاف الرئيس عبد الفتاح السيسي، في كلمته منذ قليل، خلال انطلاق فعاليات المؤتمر الوطني للشباب بمقر جامعة برج العرب التكنولوجية: "الأكل غالي صحيح، بس بنبي الدولة ومعالجة تاريخ طويل، عايز أقولكم على حاجة، مارضيتش أقول لدكتور مصطفى وقف محور المحمودية، ووري الناس كان شكله عامل إزاي، وهقول جملة صعبة،  كانت الناس راضية وساكته، نخليه كده وناكل، ولا أشيله وأخليه زي ما بتشوفوه دلوقتي والدنيا تبقى صعبة شوية، أسيب الناس مرمية في الشوارع ونايمة في الصفيح والأكل موجود ناكل، ولا أسكنهم في بشاير الخير والدنيا تبقى غالية شوية، عملنا الـ 20 كيلو الأولانين من محور المحمودية".

هنرجع الجوامع والكنائس تاني بس هترجع صح

وتابع الرئيس السيسي: “كانت كل الناس بتشتكي على الجرائد وعلى مواقع التواصل، ويقولك بتهدوا الجوامع حرام عليكم يا مسلمين، يا سيدي هنرجع الجوامع والكنائس تاني بس هترجع صح، بتهد اللي موجود وبتعمله تاني عشان توصل للي احنا عملناه في المحور، وأنا بكلمكم كده بقالنا سنتين ونصف شغالين في امتداد محور المحمودية 55 كيلو، لنصل حتى البحيرة، بيقولك البلد بتحب الطرق.. لا مش واخدين بالكم يعني إيه بلد ولا إيه؟!، الدولة حاجة تانية خالص، التخطيط بيقوم بيها علماء ودكاترة جامعة ودكاترة بالوزارات المتخصصة، إذا استطاعت الدولة القيام بها يبقى خير”.