الرئيس السيسي: بنسابق الزمن علشان 3.5 مليون فدان يدخلوا الخدمة فى أسرع وقت
أكد الرئيس عبدالفتاح السيسى، إن القيمة المضافة للغاز الطبيعى أفضل من بيعه بشكل مباشر، معلقا:" الغاز الطبيعى أفضل استخدام ليه مش إنك تبيعه، علشان يخش فى الصناعة ويعمل قيمة مضافة".. ولما أخدنا قرار إنتاج الأسمدة الأزوتية أخدنا 4 سنين علشان نفتتح المصانع دى بالاشتراك مع الشركات اللى بتعتبر أفضل الشركات فى العالم فى هذه المجالات".
وأضاف الرئيس السيسي خلال افتتاح مجمع الأسمدة الأزوتية في العين السخنة: " كنا ضاغطين فى التوقيت علشان ننجز المهمة في أسرع وقت، وفيه ناس بتقول انتوا ليه مش مهتمين بالصناعة؟ ..علشان هناخد وقت وتكلفة كبيرة.. 800 مليون دولار تكلفة المجمع ده رقم كبير علشان تعمل مصانع كبيرة تحقق بيها حاجاتك اللى انت عاوزها ويبقا فيه جزء للتصدير هياخد وقت.. ننتبه إحنا كان عندنا أولويات.
تساءل الرئيس: "هل أقدر أعمل مصنع زي كده غير لما يكون عندي طاقة كهربائية وغاز؟ رد بالقول: " مش ممكن".
وحول مشروعات الأراضى الزراعية الجديدة قال الرئيس السيسي: "3.5 مليون فدان بنسابق الزمن علشان يخشوا الخدمة في اسرع وقت ممكن.. الـ 3.5 مليون فدان هل مصر خلال 40 سنة فاتت عملت برنامج لـ 3.5 مليون فدان؟.. بنتكلم بما يرضى الله ومقصدش حاجة علشان كده بقول خد الناس تشوف بقا.
قال الرئيس عبد الفتاح السيسي، إن محطات الرفع في مشروع الدلتا الجديدة ووسط سيناء، تستهدف معالجة مياه الصرف الزراعي لحمايتها من الإهدار كما كان يجرى في السابق بإلقائها في بحيرة المنزلة، تم عمل سحارات لتوصيل المياه لشرق القناة في سيناء، وخطوط مياه لزراعة الأراضي".
أضاف الرئيس السيسي، خلال افتتاح مجمع الأسمدة الأزوتية بالعين السخنة، أنه يرحب بدخول كل المطورين في المشروعات الزراعية، مردفا: "إحنا عملنا البنية الأساسية لمحطات معالجة الصرف الزراعي، وقطعنا المشوار الكبير اللي كان هيكلفك مليارات الجنيهات، وأنا ماقدرش أطالبك بيه.. الأرض الزراعية موجودة وإحنا ماعدناش مشكلة حد يدخل معانا".
وتابع الرئيس السيسي: "نحن نتحدث عن زراعة حديثة ونظم ري حديثة والاستخدام الاقتصادي للمياه، ومشروع الدلتا الجديدة نفس الكلام، بتجمع الصرف الزراعي وبتتم معالجتها معالجة ثلاثية والموضوع ده محتاج ينفق على تغطيته إعلاميا كويس جدا، وانتو لو شفتوا محطات الرفع وكل محطة منها عمل هندسي محترم بكل معداته.. كل عمل هندسي واحد في محطة من محطات الرفع تكلفته كبيرة جدا علشان تنقل المياه 7.5 مليون متر مكعب / اليوم".
