سبب الاختفاء صادم.. القصة الكاملة لأزمة مساعدة منة فضالي

منة فضالي.. تصدر اسم الفنانة مؤشرات البحث على موقع جوجل خلال الساعات الماضية بعد اتهام مساعدتها بالسرقة.

منة فضالي

وتزايدت عمليات البحث من قبل المصريين عن منة فضالي لمعرفة ما وصلت إليه أزمة مساعدتها المتهمة بالسرقة حتى الآن.

اختفاء مساعدة منة فضالي 

البداية عندما كشف الفنانة منة فضالي، عن اختفاء مساعدتها، مشيرة إلى أنه تم اختطافها وتطلب المساعدة.

ونشرت منة، صورتها، عبر حسابها على إنستجرام، وعلقت: "صباح الخير عليكم جميعا أنا للأسف في موقف مش عارفة أتصرف فيه المساعدة بتاعتي اختفت وهي جايالي على التصوير من أول إمبارح، وكل ده أهلها بيدوروا عليها في المستشفيات والأقسام".

وتابعت: "آخر حاجة كانت راكبة أوبر، وكانت جايالي على المدينة بعديها تليفونها اتقفل ومن الساعة ٦ المغرب واتفتحت دقيقة الساعه ١٢ بالليل معرفناش نعمل حاجة، واستنينا يعدي ٢٤ ساعة علشان نعمل محضر".

وأضافت: "بعض المستشفيات هي مش موجودة فيها والواضح إنها اتخطفت وحقيقي أنا مش عارفة اعمل حاجة، ودي أول مرة معرفش أتصرف، فا اللي يقدر يساعدني يبقى كتر خيره".

وأضافت: "هي ساكنة في الزاوية وللأسف معنديش تفاصيل لا رقم العربية الأوبر لأنها كانت مش ظاهرة ولا أي حاجة.. رجاء اللي يقدر يعمل حاجة يبقي كتر خيره".

مساعدة منة فضالي والسرقة

وبعد ساعات قليلة من إعلان الفنانة منة فضالي اختفاء مساعدتها واختطافها وانقطاع الاتصال بها، كشفت الأجهزة الأمنية المصرية تفاصيل كثيرة أزالت الغموض حول الحادث.

وكشفت أجهزة الأمن أن مساعدة منة فضالي تم القبض عليها وحبسها في قسم شرطة الجمالية غرب القاهرة على ذمة سرقة مشغولات ذهبية.

وأوضحت التحريات الأمنية أن المتهمة قامت بسرقة الفنانة دينا الشربيني بالتعاون مع شقيقتها التي كانت تعمل مساعدة للفنانة دينا، مشيرة إلى أنه تم ضبطها أثناء بيعها مشغولات ذهبية "مجهولة المصدر" بأحد محال الصاغة بدائرة قسم شرطة الجمالية.

وذكرت أجهزة الأمن أنه وبمواجهة المتهمة اعترفت بأنها حصلت على المجوهرات من واقعة سرقة بأسلوب المغافلة من الفنانة دينا الشربيني.

حبس مساعدة منة فضالي

وكانت النيابة العامة، قررت حبس مساعدة منة فضالي وشقيقتها 4 أيام على ذمة التحقيقات، واستدعاء صاحب محل الذهب محل الواقعة، والاطلاع على فواتير المضبوطات من قبل الطرفين للتأكد من صحة أقوال المتهمة وشقيقتها من عدمه، كما أمرت بسرعة التحريات حول المتهمتين للوقوف على نشاطهما لاستكمال التحقيقات.

و كشفت مساعدة المخرج ندى منير عن كواليس صادمة عن أجر مساعدة الفنانة دينا الشربيني .

وكتبت ندى عبر صفحتها على فيس بوك :" شهاده حق ..دينا الشربيني معملتش محضر للذهب اللي مسروق ..المساعدة هي الي خلصت رزقها من الستر وراحت تبيعه والناس شكت لأن  المسروقات مميزة وبلغت البوليس وقبضوا عليها في الوقت ده دينا كانت في دبي في بروجكت هناك كلموها من مكتب رئيس المباحث كان المحضر اتعمل وهي اعترفت بالسرقة فتحولت للنيابة ،،دينا قطعت سفرها لشغلها ورجعت امبارح علشان تطلعها من النيابة وقالت بالكدب إنها اديتهم ليها علشان خاطر متتحبسش وراحت القسم بعديها علشان يطلعوها علشان تروح عزاء أمها الي ماتت من تصرفات بنتها ".

وتابعت :"  للعلم قبضها في اليوم ٦،٥٠٠ جنيه بتقبضهم من الانتاج اللي حقيقي مفيش مخرج منفذ  قبضه كده في اليوم يعني المساعده ده مش فقيرة ولا هي مظلومة هي انسانة طماعة وأذت دينا كتير جدا وكانت بتطلب حاجات علي اسمها من الإنتاج تحت مسمي الأستاذة عايزه كده وكل إنتاج مصر اللي اشتغل معاها عارف اللي بحكيه ده ..كفاية بقي المتاجرة بالناس وكفاية بقي فكرة أصل علشان فقيرة وترديد الكلام زي الببغان .دينا قطعت سفرية شغلها وأنكرت سرقتها وهي المجني عليها علشان تنقذها من السجن دينا فضلت مصممة انهم يفرجوا عنها وطلعتها من القسم علشان تلحق عزاء أمها من واحدة حقيقي ظروفها متخليش توصل نفسها لده مفيش دكتور في مصر قبضه ٦،٥٠٠ جنيه في اليوم فهي مش فقيرة ومش غلبانة. الغلبانه حقيقي اللي معمول شوشره عليها ظلم من واحده سرقاها وهي الي أنقذتها من السجن وتنازلت عن حقها".