الرئيس: الحكومة مطحونة جدًا ويجب أن نسعى نحو أحلامنا

شهدت فعاليات افتتاح مشروعات قومية جديدة في محافظة سوهاج، بحضور الرئيس عبد الفتاح السيسي، عرض فيلم تسجيلي حول جهود دعم التنمية الصناعية، ومبادرة "ابدأ" فى تطوير الصناعة.

أكد الرئيس عبد الفتاح السيسي، على جاهزية دعم المشروعات الشبابية المختلفة، قائلا: "احنا جاهزين.. الأرقام اللى مش تحلموا بيها ومش من جيب الحكومة.. طب ليه.. لأنى مرتب ترتيبات تانية.. الحكومة يعني الدكتور مصطفي  مش يزعل مني الحكومة مطحونة جدا".

وأضاف الرئيس السيسي، خلال كلمته في افتتاح مشروعات قومية جديدة في محافظة سوهاج: "الدكتور مصطفي النهارة اتكلم عن محافظة واحدة "سوهاج".. نصف اللى اتعمل بحياة كريمة ونص من غير حياة كريمة.. بنتكلم عن 7 تريليونات جنيه.. طب الـ 7 تريليون رقم متواضع قدام الحلم.. انا جاي بالطريق والطيارة وشايف .. لسه بدري اوي اوي اوي.. أنا بتكلم بجد.. لسه بدري".

أكد الرئيس عبدالفتاح السيسي، إن محافظات الصعيد لم تك مهمشة ولا منسية لكن الدولة لم تكن قادرة، مضيفا: "لسه بدرى .. في قرية أبو دومة قالوا إن الصعيد كان مهمشا وبيتنسى.. وانا بقولكم لا.. الصعيد ماكنش مهمشا ولا منسى.. البلد ماكنتش قادرة بس".

وأضاف الرئيس السيسي خلال افتتاح عدد من المشروعات بمحافظة سوهاج، فى إطار خطة تنمية الصعيد: "لازم نحترم عقول بعض ..ونبقا موضوعيين وصادقين في التقدير والتقييم لواقعنا ونعرف ليه واقعنا كده؟ علشان البلد مش قادرة .. ومكنتش قادرة .. طيب اللى بيتعمل ده؟ قبل كل شيء توفيق ربنا سباحانه وتعالى ..وثانيا محاولة لتطوير الفكر علشان كده متحمس قوى ليكم ومتحمس دايما للفكرة لانها ممكن تحل مسالة بالمسارة التقليدية متتحلش والفكرة تنجح بالمسار التقليدي متنجحش ..وبالفكرة توفر المسار التقليدي متمولش..الفكرة كده ..البلد اللى ظروفها والنايس اللى ظروفها مش متيسرة قوى معندهاش غير الفكرة والحلم والعمل".

قال الرئيس عبد الفتاح السيسى، أثناء افتتاحه عددا من المشروعات القومية والتنموية بمحافظة سوهاج، فى إطار استراتيجية تنمية الصعيد: يجب أن نسعى نحو أحلامنا وأن نصدق أننا نستطيع تحقيقها

وجه الرئيس عبد الفتاح السيسي، بتوفير الدعم اللازم للمشروعات الشبابية من صندوق تحيا مصر.