ياسمين عز: زوجة ميسي صالحة .. لكن جورجينا برة البيت 24 ساعة

علقت الإعلامية ياسمين عز، مع خالص تقديري لكريستيانو، قائله: "بحس إن مرات ميسي بتدخل عليه بحتتين كيك بالبرتقال وكوباية الشاي وأولادها ريحتهم بودرة أطفال عكس جورجينا شاردة بره البيت 24 ساعة زي الغزال الشارد".

كشفت الإعلامية ياسمين عز عن رأيها في أنتونيلا زوجة لاعب الكرة الشهير ميسي، مؤكدة أنها أفضل من جورجينا زوجة رونالدو.

وقالت ياسمين عز خلال برنامجها كلام الناس: بحس إن جورجينا شاردة 24 ساعة بره البيت، وبتلف وتبرم ومش مهتمة بـ بيتها ولا أسرتها، على العكس بقي أنتونيلا زوجة ميسي زي حتة النوتيلا بالشوكولاتة عايشة لبيتها.. وولادها نضاف شعرهم بيلمع وريحتهم نضافة، وأم وست بيت من الستات اللي بتدخل على أزواجها بحتتين كيك وكوباية شاي في البلكونة.

وأشارت: "ممكن لو رونالدو قال لجورجينا عاوزين نتعشى مع بعض النهارده تقوله أنا عندي عرض أزياء"، لأنها بتلف 24 ساعة بره البيت".

ياسمين عز بعد فوز ميسي

قالت ياسمين عز، على تتويج ليونيل ميسي بكأس العالم 2022، قائلة: "أنا ربنا نصرني".

وأضافت ، خلال برنامجها "كلام الناس" المُذاع عبر فضائية "إم بي سي مصر": "أوعوا تنكروا أنه في اللحظة اللي ميسي شال فيها كأس العالم افتكرتونى و افتكرتوا كلامي عن ميسي وزوجته".

وأشارت: "شوفتوا الاستقرار و الجواز بيعمل ايه و بيوصل لفين الكلام ليكي يا جارة "، معقبة: "بيوصل لكأس العالم.. وشوفتوا الست أما تكون في ضهر زوجها و بتدعمه و بتدلعه و بتأخذ بالها منه وبتخليه احسن حد في الدنيا بيبدع و بيطلع أحسن ما عنده".

وتابعت الإعلامية ياسمين عز خلال برنامجها كلام الناس الذي يعرض عبر قناة ام بي سي مصر: ميسي خسر كأس العالم 2014 عشان مكنش متجوز مراته انتونيلا رسمي، والكلام ليك يا جاري سامعني يا كريستيانو.

وأضافت ياسمين : أم ميسي عرفت تربي وحسيت أن هي ست مصرية زي الست ام جابر عندنا في مصر وحضن الام الحنين.

الناس بتوقع بيني وبين كريستيانو بس انا بنحاز ليه دايمًا وانا حقانية وعمري ما انحاز لحد ضد كريستاينو عشان التوقيع والكلام ده بس انا مع الاصول وانا محبتي لكريستيانو كبيرة ليه بس عشان ميسي عمل حاجة مستقرة وأسس بيته صح.